हेडावे येथे वीज पडून दोन बैलांचा मृत्यू..!
अमळनेर तालुक्यातील हेडावे शिवारातील रढावन येथील मणीलाल धोंडू पाटील(काळे) यांच्या मालकीच्या शेतगट क्र 130/2 शेतात काम आटोपल्यावर झाडा खाली सावलीत दोन बैल बांधलेले होते. अचानकपणे दुपारी 3 वाजून 30 मिनिटांनी दोन्ही बैल वीज पडून मृत स्वरूपात आढळून आले.बैलांसह बैलगाडी, वखर व इतर सामानाचे ही नुकसान झाले आहे.सदर घटनेची माहिती मिळताच तलाठी गणेश महाजन,हर्षवर्धन मोरे यांनी घटनास्थळी धाव घेतली. सदर घटनेचा पंचनामा करण्यात आला असून साधारणपणे बैल जोडी 150000/- व इतर सामान असे नुकसान झाले आहे.सदर घटनेचा पंचनामा करून पुढील कार्यवाही साठी अमळनेर तहसीलदार मिलिंदकुमार वाघ यांच्या कडे पाठविण्यात आला आहे. शासकीय स्तरावर मदत करण्याचे आश्वासन प्रशासनाने दिले आहे.