पंढरपूर बीएसएनएलची सेवा अधिकार्‍यांच्या दुर्लक्षामुळे व्हेंटिलेटरवर..
रफिक अत्तार पंढरपूर
पंढरपूर : पंढरपूर मधील बीएसएनएलची सेवा क्षणात गायब तर तासनतास बंद होत असून याकडे येथील अधिकारी दुर्लक्ष करत असल्याचे स्पष्ट दिसून येत आहे तर याबाबत वरिष्ठांना याचे काही सोयरसुतक नसल्याचे स्पष्ट होत आहे ग्राहकांनी वारंवार तक्रारी करूनही त्याची पंढरपूर बीएसएनएलच्या अधिकारी वर्गाकडून कसल्याही प्रकारची दखल घेतली जात नाही तर वारंवार गायब होणार्‍या बीएसएनएल इंटरनेट सेवेमुळे बरेच खासगी कंपन्या इतर मोबाइल इंटरनेटशी जोडल्या गेल्या आहेत.तसेच पंढरपूर येथे बीएसएनएल कार्यालयाने एफ.टी.टी.एच सेवेसाठी दोन टीप पन नेमले असुन ते चांगल्या रितीने सर्विस देत आहेत.परंतु बँका, शासकीय कार्यालय अजूनही बीएसएनएल इंटरनेट वापरत आहेत पण वारंवार इंटरनेट बंद होत असल्याने बँकांमध्ये नागरिकांच्या रांगा लागत आहेत विद्यार्थ्यांना ऑनलाइन परिक्षा देणे, शिष्युवृत्ती फार्म भरणे आदी गोष्टींमध्ये मोठ्या अडचणी निर्माण होत आहेत. अधिकाऱ्यांच्या दुर्लक्षामुळे शासकीय कर्मचारी यांच्याबरोबर सर्वसामान्य नागरिकांनाही याचा मोठ्या प्रमाणात नाहक त्रास सहन करावा लागत आहे तरी या बाबत पंढरपूर बीएसएनएल ऑफिसच्या वरिष्ठ अधिकाऱ्यांनी तात्काळ लक्ष देऊन सेवा पुर्ववत देणे गरजेचे बनले आहे अन्यथा या अगोदरच सलाईनवर असलेल्या पंढरपूर बीएसएनएलचे कामकाज अता वेंटिलेटरवर तरी सुरू ते ही गमावण्याची पाळी येऊ नये.
