Amalner: वाद जुन्या भांडणाचा… लोखंडी रॉड चा वार.. चाकू हल्ला..
अमळनेर मागील भांडणाचा वाद लक्षात ठेवून एक व्यक्ती व महिलेला तिघांनी डोक्यावर लोखंडी रॉड तसेच कमरेवर आणि छातीवर चाकुचा वार करून गंभीर जखमी केल्याची घटना 10 रोजी रात्री मंगळ महाराज मंदिराजवळ घडली. याप्रकरणी तिघांविरुद्ध पोलिसांत गुन्हा दाखल करण्यात आला आहे.
याबद्दल सविस्तर माहिती अशी की, रामकृष्ण रमेश पाटील (रा. मंगळ मंदिर रस्ता) हा 10 रोजी रात्री आपला मित्र रतीलाल उर्फ पिंटू सुभाष पाटील याला सोबत घेऊन फिरायला गेला होता. घराकडे परत येत असताना रामकृष्णशी एक महिना पूर्वी भांडण झालेले सनी सुरेंद्र अभंगे, सचिन सुरेंद्र अभंगे, ज्योती जितेंद्र अभंगे सर्व रा. कंजरवाडा यांनी कुरापत काढून वाद सुरू केल. तिघांनी शिवीगाळ सुरू केली सचिनच्या हातात लोखंडी रॉड होता त्याने रामकृष्ण च्या डोक्यावर वार करून जखमी केले तर ज्योतीने हातातील सळई ने रामकृष्ण ला मारहाण केली. त्याचवेळी सनी ने हातातील धारदार चाकूने रामकृष्ण च्या कमरेवर आणि छातीवर वार करून त्याला रक्तबंबाळ करून जीवे मारण्याचा प्रयत्न केला. यावेळी आजूबाजूच्या लोकांनी आवरण्याचा प्रयत्न केला पण सनीने त्यांनाही चाकूचा धाक दाखवून धमकी दिली. पिंटूने दिलेल्या फिर्यादीवरून सचिन, सनी व ज्योती यांच्याविरुद्ध जीवे मारण्याचा प्रयत्न केल्याचा गुन्हा दाखल करण्यात आला असून पो उप.नि. विकास शिरोळे करीत आहे.
