चांपा गाव हरवले धुक्यात..निसर्गाचे मनोहारी दृष्यधुक्यामुळे सकाळी उशिरापर्यंत सूर्यदर्शन नाही..
अनिल पवार
चांपा , ता २२:उमरेड तालुक्यातील चांपा या गावात बुधवारी सकाळी सात वाजताच्या सुमारास मोठ्या प्रमाणात धुके पसरले होते त्यामुळे संपूर्ण गावात सकाळच्या सुमारास मनोहारी चित्र निर्माण झाले होते…
धुक्याचा आनंद घेण्यासाठी नागरिक सकाळपासूनच घराबाहेर पडले होते. दाट धुके असल्यामुळे वाहन धारकांनी दिवे लावले होते. नागपुर जिल्ह्यात हिवसाळ्यात यंदा पावसाने हजेरी लावली होती. काही दिवसापूर्वी थंडीला सुरवात झालेली असतानाच अवकाळी पावसाने हजेरी लावल्याने पिकांना फटका बसत आहे. बदललेल्या वातावरणामुळे नागरिकांच्या तब्येतीवरही वाईट परिणाम दिसून आला आहे. सर्दी, खोकला, तापचे रूग्ण वाढत आहेत.चांपा येथील ग्रामपंचायत परिसरात व नागपुर उमरेड महामार्गावर थंडीमुळे सकाळी सातलाही धुक्याची चादर होती. नागपुर जिल्ह्यात ढगाळ वातावरणासोबत थंडीचा कडाका वाढत चालला आहे. त्यामुळे उबदार कपड्यांना मागणी वाढली आहे. ऑक्टोबरच्या अखेरीस थंडी सुरु होण्याऐवजी डिसेंबरच्या दुसऱ्या आठवड्यात थंडी सुरु झाली. त्यानंतर कडाका वाढलेला असतानाच जानेवारीच्या दुसऱ्या आठवड्यापासून जिल्ह्यात ढगाळ वातावरण निर्माण झाले आहे.