?️ अमळनेर कट्टा.. चिखलोड-रढावण रस्त्याचे व गाव काँक्रीटीकरणाचे आमदार अनिल पाटील यांच्या हस्ते भूमिपूजन.
अमळनेर : अमळनेर मतदारसंघातील व पारोळा तालुक्यातील मूलभूत सुविधेंतर्गत रस्ता काँक्रीटीकरण व चिखलोड रढावन रस्त्याचे डांबरीकरण कामाचे भूमिपूजन आमदार अनिल पाटील यांच्या हस्ते करण्यात आले.
यावेळी सर्व ग्रामपंचायत सदस्य नवनिर्वाचित ग्रामपंचायत सदस्यांचा सत्कार देखील करण्यात आला. यावेळी व्यासपीठावर माजी आमदार साहेबराव पाटील, जिल्हा परिषद सदस्य हिंम्मतराव पाटील व उपस्थित ग्रामपंचायत सदस्य, पदाधिकारी,कार्यकर्ते व ग्रामस्थ मंडळ उपस्थित होते.
मतदारसंघातील चिखलोड गावात मूलभूत सुविधा योजना अंतर्गत रस्ता काँक्रेटिकरण करून जनतेला पक्क्या रस्त्याची सुविधा मिळणार आहे. यासाठी जिल्हा परिषद सदस्य हिंमतराव पाटील यांनी परिश्रम घेतले होते. तर 3054 योजनेअंतर्गत चिखलोड ते रढावन या कच्या रस्त्याचे डांबरीकरण शुभारंभ देखील यावेळी करण्यात आला. यावेळी आमदार अनिल पाटील, माजी आमदार साहेबराव पाटील यांच्या हस्ते वसंत पाटील, प्रेमराज पाटील, सुभाष पाटील, गोकुळ पाटील, इंदल राठोड, महेंद्र पवार, पंजाबराव देशमुख, भाऊसाहेब पाटील, दिलीप पाटील, बाळासाहेब पवार, सतीश पाटील, धुडकु पाटील, विनोद पाटील, अमोल शिरोळे, आदींचा गौरव करण्यात आला.
