महाराष्ट्रपुत्राला वीरमरण, जम्मू काश्मीरमध्ये कर्तव्य बजावताना जवान शहीद
दत्ता पारेकर प्रतिनिधी
जम्मू आणि काश्मीरमध्ये देशसेवेचं कर्तव्य बजावत असताना साताऱ्यातील जवान ज्ञानेश्वर जाधव यांना वीरमरण प्राप्त झाले आहे. ज्ञानेश्वर हे खटाव तालुक्यातील धकटवाडी या मूळ गावचे रहिवासी आहेत. त्यांच्या निधनाची बातमी कळताच, गावासह तालुक्यात शोककळा पसरली आहे. सन 2015 मध्ये ते बीएसएफमध्ये भरती झाले होते. साताऱ्याचे माजी खासदार उदयनराजे भोसले यांनीही आपल्या ट्विटरवरुन ज्ञानेश्वर यांना श्रद्धांजली वाहिली आहे.
सातारा – जम्मू आणि काश्मीरमध्ये देशसेवेचं कर्तव्य बजावत असताना साताऱ्यातील जवान ज्ञानेश्वर जाधव यांना वीरमरण प्राप्त झाले आहे. ज्ञानेश्वर हे खटाव तालुक्यातील धकटवाडी या मूळ गावचे रहिवासी आहेत. त्यांच्या निधनाची बातमी कळताच, गावासह तालुक्यात शोककळा पसरली आहे. सन 2015 मध्ये ते बीएसएफमध्ये भरती झाले होते. साताऱ्याचे माजी खासदार उदयनराजे भोसले यांनीही आपल्या ट्विटरवरुन ज्ञानेश्वर यांना श्रद्धांजली वाहिली आहे.
शहीद ज्ञानेश्वर जाधव हे सन 2015 मध्ये बीएसएफमध्ये भरती झाले होते. खटाव येथून बारावीपर्यंतचे शिक्षण घेतल्यानंतर ते सैन्य दलात भरती झाले. गेल्या 5 वर्षांपासून ते देशसेवा करत. दोन वर्षांपूर्वीच त्यांचे लग्न झाले होते, त्यांना सहा महिन्यांचा मुलगाही आहे. वडूज पोलीस ठाण्यातून अधिकृतपणे त्यांच्या निधनाची माहिती देण्यात आली आहे. या घटनेनं जाधव कुटुंबासह गावात शोककळा पसरली आहे. तसेच, भाजपा नेते माजी खासदार उदयनराजेंनीही ट्विटर व फेसबुकवरुन त्यांना श्रद्धांजली वाहिली आहे.
