दापोलीत विहिरीत पडलेल्या बिबट्याला जीवदान
रत्नागिरी : दापोली तालुक्यातील जालगाव मिसाळवाडी येथील अमोल जाधव यांच्या विहीरीत भक्ष्याच्या पाठलाग करत असताना बिबट्या विहीरीत पडला.त्या बिबट्याला मोठ्या कसरतीने वनविभागाने विहिरीबाहेर काढले व जीवदान दिले.
अमोल जाधव हे आपल्या शेतातील विहीरीत पाण्याची मोटार सुरू करायला गेले तेव्हा त्यांना विहीरीत बिबट्या पडलेला दिसला.त्यांनी तात्काळ वन विभागाला कळवले.त्यानंतर वनविभागाचे अधिकारी व कर्मचारी तसेच वनरक्षक तेथे आले व गावकर्यांच्या मदतीने बिबट्याला विहिरीबाहेर काढले. बिबट्याला पाहण्यासाठी आजूबाजूच्या गावातील लोक गर्दी करत जमली होती.जेरबंद केलेल्या बिबट्याला सुशीलकुमार पावरा कोकण विभाग प्रमुख आणि अध्यक्ष बिरसा क्रांती दल व काही कर्मचारी व कुटुंब यांनी वन विभाग कार्यालयात जाऊन प्रत्यक्षात पाहिले. तेव्हा बिबट्या चवताळलेला होता.जोरजोरात डरकाळी मारत होता.थोड्या वेळाने जेरबंद बिबट्याला जंगलात सोडण्यात येईल असे वनविभाग अधिकारी दापोली यांनी सांगितले.
