आळेफाटा येथील डाँ. श्रीरंग फडतरे यांच्यावर सदोष मनुष्य वधाचा गुन्हा दाखल करण्यात यावा – बिकेडी ची मागणी., म्रुतक दिपाली राजाराम लोहकरे हीचे मृत्यू प्रकरण
पुणे प्रतिनीधी – दिलीप आंबवणे
म्रुतक दिपाली राजाराम लोहकरे हीच्या मृत्यू प्रकरणाची सखोल चौकशी करून संबंधित डॉक्टरवर सदोष मनुष्य वधाचा गुन्हा दाखल करण्यात यावा अशी मागणी मुख्यमंत्री उध्दव ठाकरे, उपमुख्यमंत्रीअजित पवार, गृहमंत्री अनिल देशमुख, पुणे ग्रामीण पोलीस अधिक्षक संदिप पाटील यांच्याकडे बिरसा क्रांती दलाचे पुणे विभागीय अध्यक्ष दिलीप आंबवणे यांनी केली आहे.
निवेदन म्हटले आहे की मृतक दिपाली राजाराम लोहकरे (वय 15 वर्ष) राहणार खडकी पिंपळगाव तालुका आंबेगाव जिल्हा पुणे हीचे वडील राजाराम लोहकरे यांनी दिपालीला टाँन्सील उपचारासाठी जुन्नर तालुक्यातील आळेफाटा येथील डॉक्टर फडतरे यांच्या दवाखान्यात दिनांक 10 सप्टेंबर 2019 रोजी सकाळी 11 वाजता नेण्यात आले होते. संबंधित डॉक्टर श्रीरंग फडतरे यांनी तिला उपचारादरम्यान भूलीचा डोस जादा प्रमाणात दिले असता त्यामुळे दिपालीचा मृत्यू झाला आणि या म्रुत्युस डाँ. श्रीरंग फडतरेच जबाबदार आहे. असे तिचे वडील राजाराम लोहकरे यांनी तक्रार अर्जात म्हटले आहे . डॉ. श्रीरंग फडतरे यांनी त्यांच्याच दवाखान्यात केलेल्या चुकीच्या उपचारांमुळे झालेला मृत्यू उघड होऊ नये म्हणून तिच्या पालकाला याबाबत कोणतीही माहिती न देता त्यांनी आधीच मृत पावलेली दिपालीचे पार्थिव देह तपासणीसाठी यशवंतराव चव्हाण रूग्णालय पिंपरी चिंचवड येथे डॉक्टर श्रीरंग फडतरे हे स्वतः घेऊन गेले पिंपरी चिंचवड येथील दवाखान्याच्या गेटवरच तेथील डॉक्टरांनी तपासणी केली असता दिपालीला मृत घोषित करण्यात आले. त्यानंतर तेथीलच डाँक्टरांनी दि 11 / 9 /2019 रोजी रात्री 12:35 ला पोस्टमार्टम करून पोस्टमार्टम रिपोर्ट सादर केला आहे. सदर पोस्टमार्टम रिपोर्ट अहवालामध्ये दिपालीचा मृत्यू हा संध्याकाळी 6 : 44 पूर्वी झालेला आहे तसेच मृत्यू कशामुळे झाला आहे हे समजू शकत नाही असे या पोस्टमार्टम रिपोर्ट मध्ये नमूद केले आहे. याचा अर्थ असा होतो की सदर मुलगी ही आळेफाटा येथील डॉक्टर फडतरे यांच्याच दवाखान्यात मृत्यू पावली होती परंतु संबंधित डाँ.श्रीरंग फडतरे यांनी आपल्या चुकीच्या उपचाराने झालेला मृत्यू दडपून ठेवून यातून सुटका करून घ्यायची असल्यामुळे या म्रुत्यूची कोणतीही कल्पना तिच्या वडीलांना दिली नाही. उलट मृतक दिपालीच्या नातेवाईकांची दिशाभूल करून मृतक मुलीला पुढील उपचारासाठी यशवंतराव चव्हाण रूग्णालय पिंपरी चिंचवड येथे घेऊन गेले.
त्यानंतर राजाराम लोहकरे यांना पूर्णपणे खात्रीशीर शंका आल्याने त्यांनी पोलीस स्टेशन आळेफाटा तालुका जुन्नर येथे रीतसर डॉक्टर फडतरे यांच्या विरोधात गुन्हा नोंद होण्यासाठी दिनांक 15 सप्टेंबर 2019 रोजी तक्रार दाखल केली. परंतु हा तक्रार अर्ज संबंधित ठाणेदार यांनी (एन. सी) नॉर्मल केस म्हणून ठेवला आहे.आज या घटनेला दहा महिने झाले तरीही सखोल चौकशी होऊन संबंधित डॉक्टर फडतरे यांच्यावर गुन्हा नोंद करण्यात आला नाही. संबंधित म्रुतक मुलीचा व्हिसेरा रिपोर्ट सुद्धा दिलेला नाही. त्यामुळे या प्रकरणातील संशयाचे गुढ अधिक मोठ्या प्रमाणात असल्याचे लक्षात येत आहे. मृतक दिपालीच्या मृत्यूस जबाबदार असणारे डॉ. श्रीरंग फडतरे यांच्यावर सदोष मनुष्य वधाचा गुन्हा तात्काळ दाखल करण्यात यावा . अन्यथा संघटनेच्यावतीने राज्यभर तीव्र आंदोलन छेडण्यात येईल असा इशारा दिला आहे.
