?धक्कादायक.. नराधम बापाने अल्पवयीन मुलीवर केला वारंवार बलात्कार..गरोदर राहिल्याने फुटली अन्यायाला वाचा…
पारोळा तालुक्यातील कन्हरे धक्कादायक घटना घडली आहे. नराधम बापाने मुलीवर सतत बलात्कार करत असल्याची घटना उघडीस आली आहे. सदर घृणास्पद प्रकार हा गेल्या अनेक महिन्यांपासून घडत होता.परंतु सदर अल्पवयीन मुलीची पाळी चुकली व ती ह्या अत्याचारामुळे गर्भवती झाल्याने हा प्रकार उघडकीस आला आहे.
सदर घटनेतील कुटुंब हे कान्हेरे येथे राहत असून घरात पती पत्नी, एक मुलगा व एका मुलगी असा परिवार राहतो.सहा महिन्या पूर्वी पिंप्री ता. रावेर येथे लग्नासाठी त्याची पत्नी आणि मुलगा हे गेले होते. 16 वर्षाची मुलगी व तिचा बाप हे दोघेच घरी होते. त्या दिवशी दारू पिऊन रात्री घरी आल्यानंतर त्याने मुलीला धमकी देऊन शारीरिक संबंध केले. मुलीला कोणाला याबाबत सांगितले तर तुला जीवे मारून टाकीन व आत्महत्या करून घेईल अशी धमकी दिली. त्यानंतर दुसऱ्या दिवशी पुन्हा दुपारी सुमारास दारू पिऊन आल्यानंतर घराचे सर्व खिडक्या, दरवाजे बंद करून पुन्हा मुलीशी बळजबरीने संबंध केले. आणि जीवे मारण्याची धमकी दिली. त्याच दिवशी आई व भाऊ परत घरी आले. परंतु मूलीने त्यांना घटना सांगीतली नाही. या घटनेला दोन महिने उलटल्यानंतर मुलीला मासिक पाळी न आल्याने आईने तिला पारोळा येथे दवाखान्यात दाखविले असता डॉक्टरांनी तपासून ती गरोदर असल्याचे सांगितले. या नंतर मुलीने तिच्या आईला आत्याचाराचा सर्व घटनाक्रम सांगितला. समाजात बदनामी होवू नये म्हणून आईने मुलीला हिरे वैद्यकीय महाविद्यालय धुळे येथे गर्भपात करण्यासाठी भरती केले. दरम्यान मुलीने दिलेल्या फिर्यादी वरून तिच्या बापावर IPC 376 तसेच इतर कलमांप्रमाणे गुन्हा दाखल करण्यात आला असून तपास सपोनि रवींद्र बागुल करीत आहेत. दरम्यान गुन्ह्याची दखल उपविभागीय पोलीस अधिकारी यांच्या कडून तात्काळ घेण्यात आली आहे.
