ब्रेक दि चैन कोविड १९ शासन निर्णयानुसार दंडात्मक कारवाई

ब्रेक दि चैन कोविड १९ शासन निर्णयानुसार दंडात्मक कारवाई
गणेश ढेंबरे औरंगाबाद
औरंगाबाद : कोविड १९ संसर्गास प्रतिबंध करण्यासाठी शासनाद्वारे निर्गमित करण्यात आलेल्या ब्रेक दि चेन कोविड १९ प्रतिबंधात्मक उपाय योजनेच्या सुचनांचे तसेच शासन निर्देशांचे उल्लंघन करणाऱ्या व्यक्ती, संस्था यांच्या विरुद्ध मा. मोक्षदा पाटील, पोलीस अधीक्षक यांच्या सुचनांप्रमाणे जिल्ह्यात दंडात्मक कारवाई करण्यात येत आहे. ब्रेक दि चेन नियमांचे उल्लंघन करणाऱ्यां विरुद्ध तात्काळ कायदेशीर कारवाई करण्यात येत आहे.
मा. पोलीस अधीक्षक यांच्या निर्देशानुसार दिनांक १७ मे २०२१ ते दिनांक २४ मे २०२१ या आठवड्यात औरंगाबाद ग्रामीण जिल्ह्यात कोविड १९ अनुशंगाने दिलेल्या निर्देशांचे उल्लंघन करणाऱ्यां विरुद्ध कलम १८८, २६९, २७० भादंवि प्रमाणे २१३ गुन्हे दाखल करण्यात आले असून विनामास्क फिरणार्‍या नागरिकांविरुद्ध, नगरपरिषद, ग्रामपंचायत, यांच्या सोबत संयुक्त कारवाई करत ७८४ नागरिकांकडून १,२०,५५० रुपये दंड तर नियमांचे उल्लंघन करून आस्थापना (दुकाने) उघडी ठेवणारे ९४ दुकानदार यांच्या विरुद्ध ७१,३०० रुपये दंडात्मक कारवाई करण्यात आली आहे. त्याचप्रमाणे संचारबंदीचे उल्लंघन करून विनाकारण फिरणार्‍या ३६८३ वाहनधारक यांच्या विरुध्द मोटर वाहन कायद्यान्वये ८,३९,२०० रुपये दंडात्मक कारवाई करण्यात आली आहे.
आज दिनांक २४ मे २०२१ रोजी जिल्ह्यात कोविड १९ अनुशंगाने दिलेल्या निर्देशांचे उल्लंघन करणाऱ्यां विरुद्ध धडक मोहीम राबविण्यात येऊन कलम १८८, २६९, २७० भादंवि प्रमाणे १६ गुन्हे संबंधित व्यक्तींवर दाखल करण्यात आले आहे. विनामास्क फिरणार्‍या नागरिकांविरुद्ध नगरपरिषद, ग्रामपंचायत यांच्यासोबत संयुक्त कारवाई करत ८६ नागरिकांकडून ११,१०० रुपये दंड त्याचप्रमाणे संचारबंदीचे उल्लंघन करून विनाकारण फिरणार्‍या या ४८३ वाहनधारक यांचे विरुद्ध मोटर वाहन कायद्यान्वये १,२६,२०० रुपयांची दंडात्मक कारवाई करण्यात आली. तसेच नियमांचे उल्लंघन करून आस्थापना दुकाने उघडी ठेवणारे ३३ दुकानदार यांच्याविरुद्ध ३१,१०० रुपयांची दंडात्मक कारवाई करण्यात आली आहे.
औरंगाबाद ग्रामीण जिल्ह्यात संचारबंदी / जमावबंदी आदेशांची १०० % अंमलबजावणी करण्यात येत असून अत्यावश्यक सेवा ज्यांना सकाळी ७ ते दुपारी ११ पर्यंत वेळ मर्यादा देण्यात आली आहे. अशा आस्थापना सुद्धा निर्धारित वेळेत बंद करण्यात आले आहे.