?️अमळनेर कट्टा… कोविड लसीकरण केंद्राला कुलूप..! ज्येष्ठ नागरिक प्रतीक्षेत..!लोकांना दंड करणारे प्रशासन गायब..!
अमळनेर येथे गेल्या काही दिवसांपासून कोरोना रुग्णाच्या संख्येत झपाट्याने वाढ होत आहे. तसेच तालुक्यात वेगवेगळ्या psc आणि इंदिरा भुवन येथे कोरोना ची लस दिली जात आहे. या पार्श्वभूमीवर अनेक लहान थोर,वृद्ध तरुण लस घेण्यासाठी लसी करण केंद्रांवर जात आहेत. परंतु संबंधित ठिकाणी ठरवून दिलेल्या वेळेत कोणीही प्रशासकीय अधिकारी, कर्मचारी उपस्थित नसल्याच्या अनेक तक्रारी आल्या आहेत. या पार्श्वभूमीवर ज्येष्ठ नागरिक सब कोविड 19 चे लासिकरण कक्ष सुरू करण्यात आले आहे. सदर कक्षात लसीकरणाची वेळ सकाळी 9.00 ते सायंकाळी 5.00 अशी आहे. परंतु आज दुपारी सुमारे २ वाजेपासून हे कक्ष बंद करून कोणालाही पूर्व सूचना न देता कर्मचारी गायब झाले असल्याचे निदर्शनास आले. त्यामुळे लसीकरणासाठी आलेल्या ज्येष्ठांना ताटकळत बसावे लागले. याबाबत विचारणा केली असता कोणीही समाधान कारक उत्तरे दिली नाहित.असे ज्येष्ठांचे म्हणणे आहे. तरी याबाबत प्रशासनातील संबंधितांनी दखल घ्यावी आणि ज्येष्ठांची होणारी अवहेलना थांबवावी अशी मागणी करण्यात येत आहे.तसेच संबंधित कर्मचारी अधिकारी यांच्यावर शिस्तभंगाची देखील कार्यवाही व्हावी अशी मागणी होत आहे.