मुख्याध्यापिकेच्या भ्रष्टाचाराची-आर्थिक गैर व्यवहाराची चौकशी, संयुक्त चौकशी समिती गठित, 7 दिवसांत अहवाल सादर करण्याचे शिक्षणाधिकारी सातारा यांचे गटशिक्षणाधिकारी यांना आदेश
रत्नागिरी : के.बी.एन.हिरवे विद्यालय शेवरी तालुका माण या शाळेतील शिक्षक श्री. भास्कर लहू बागूल यांच्या वेतन तसेच मुख्याध्यापिका श्रीम .अर्चना रामचंद्र पाटील यांच्या आर्थिक गैर व्यवहाराबाबत संयुक्त चौकशी समिती नेमून चौकशी करून 7 दिवसांत चौकशी अहवाल सादर करण्याचे आदेश शिक्षणाधिकारी माध्यमिक श्री. रविंद्र खंदारे यांनी श्रीम. सोनाली विभुते गटशिक्षणाधिकारी माण व श्रीम.मनिषा चंदुरे शिक्षण विस्तार अधिकारी माध्यमिक जिल्हा परिषद सातारा यांना दिनांक 8 फेब्रुवारी 2021 रोजीच्या आदेशान्वये दिले आहेत. आदेशात म्हटले आहे की, संदर्भ क्रमांक 1 अनुसार सुशीलकुमार पावरा कोकण विभाग प्रमुख आणि अध्यक्ष बिरसा क्रांती दल यांनी सौ.अर्चना रामचंद्र पाटील मुख्याध्यापिका, के.बी.हिरवे विद्यालय शेवरी तालुका माण जिल्हा सातारा यांना सेवेतून तात्काळ बडतर्फ करा,अशा मागणीचे निवेदन ऑडीओ पुराव्यानिशी दिले होते,ते कार्यालयास प्राप्त झाले आहे.
निवेदनात नमूद आहे की, श्री. भास्कर लहू बागूल,शिक्षक के.बी.एन .हिरवे विद्यालय शेवरी तालुका माण यांचा पगार शाळेच्या मुख्याध्यापिका श्रीम.अर्चना रामचंद्र पाटील यांनी जिल्हा मध्यवर्ती बँक शाखा माणला पञ देऊन माहे.नोव्हेंबर 2019 पासून दिनांक:22/01/2021 पर्यंत जाणीवपूर्वक अडवून आर्थिक कोंडी करून पिळवणूक केली आहे. याबाबत बिरसा क्रांती दल संघटनेने आपणास निवेदन दिले होते. त्या तक्रारीची मा.शिक्षणाधिकारी माध्यमिक जिल्हा परिषद सातारा यांनी दिनांक:22/01/2021 रोजी सखोल चौकशी चौकशी केली आहे.माञ पुढील कार्यवाही केलेली दिसत नाही. त्यानंतर
त्या तक्रारीच्या अनुषंगाने सुडबुद्धीने मुख्याध्यापिका श्रीम. अर्चना पाटील ह्या भास्कर बागूल शिक्षकास शाळेत हजर करून घेत नाहीत, हजेरीपञकावर सही करू देत नाहीत व जीवे ठार मारण्याची धमकी दिली आहे.
तसेच मला कमी समजता काय? तुम्हाला अटकावयला 1 मिनीटं भी लागणार नाही. मला पैसे द्यायचे, मी तुम्हाला पगार दिला. त्याचे पैसे द्या. तुम्हाला पगार दिल्यापासूनचे पैसे द्या. मी मुख्याध्यापक आहे,मी लेडीज आहे,माझ्या घरात वकील आहेत, मी तुमच्यावर काहीही करू शकते,तुमचे तुकडे करून नंदुरबार ला पाठवीन, म्हणून मला पैसे द्याच,अशी धमकी दमदाटी करून पैसे उकडण्याचे काम करत असतात. पगारातले पैसे( लाच) जबरदस्तीने मागत असल्याचा पुरावा संघटनेस प्राप्त झाला आहे.
सदर मुख्याध्यापिका पैसे लाच मागून शिक्षण विभागाचे नाव बदनाम करत आहे, शिक्षण विभागाला काळीमा फासत आहे. धमकी, दमदाटी करणारी,जीवे ठार मारण्याची धमकी देणारी ,जबरदस्तीने पैसे ऊकडणारी व मागणारी व्यक्ती शिक्षणासारख्या पवित्र श क्षेञाला कलंकित करणारी असून धोकादायक आहे. म्हणून श्रीम. अर्चना रामचंद्र पाटील मुख्याध्यापिका के.बी. हिरवे विद्यालय शेवरी तालुका माण जिल्हा सातारा यांना तात्काळ सेवेतून बडतर्फ करावे,अशी मागणी निवेदनात आहे. संदर्भ क्रमांक 2 अनुसार मुख्याध्यापक के.बी.एन.हिरवे विद्यालय शेवरी तालुका माण यांना दिनांक 22/01/2021 रोजी सक्षम खुलासा सादर करण्यास कळविले होते, माञ याबाबत मुख्याध्यापकांनी अद्याप खुलासा सादर केलेला नाही. तरी याबाबत के
बी.एन.हिरवे विद्यालय शेवरी तालुका माण शाळेची संयुक्तिक रित्या सखोल चौकशी करून सविस्तर अहवाल 7 दिवसांत या कार्यालयात सादर करावा,असा आदेश शिक्षणाधिकारी माध्यमिक जिल्हा परिषद सातारा यांनी गटशिक्षणाधिकारी माण व शिक्षण विस्तार अधिकारी माध्यमिक जिल्हा परिषद सातारा यांना दिनांक 08/02/2021 रोजी दिला आहे. या प्रकरणात मुख्याध्यापिका श्रीम. अर्चना रामचंद्र पाटील (हिरवे )यांची ही दुसर्यांदा चौकशी लावली आहे. सदर चौकशी अहवालावरून मुख्याध्यापिका श्रीम .अर्चना रामचंद्र पाटील( हिरवे) यांच्या वर कारवाई होणार आहे. तेव्हा याकडे सर्व शिक्षण विभागाचे लक्ष लागून राहिले आहे.
