गोकुळची वार्षिक सभा संपन्न.गोकुळच्या सभेत राडा
सतेज पाटील-महादेवराव महाडिक गट आमने-सामने
सुभाष भोसले-कोल्हापूर
कोल्हापूर जिल्हा दूध उत्पादक संघ अर्थात गोकुळ दूध संघाची 57 वी सर्वसाधारण वार्षिक सभा संपन्न झाली. सभेला सुरुवातीलाच गोकुळ दूध संघ मल्टीस्टेट करण्याच्या ठरावावरून सतेज पाटील आणि महादेवराव महाडिक यांचे दोन गट आमने-सामने आले होते.. या सभेत राडा होण्याची शक्यता असल्यानं अगोदरच पोलीस बंदोबस्त तैनात करण्यात आला होता. विशेष म्हणजे या सभेच्या ठिकाणी असलेल्या खुर्च्यांना दोरखंडानं बांधण्यात आलंय. गोंधळाची शक्यता असल्यानेच गोकुळचे चेअरमन रवींद्र आपटे यांनी संघानं मल्टीस्टेटचा ठराव रद्द केल्याचा परिपत्रक काढलं. पण जोपर्यंत सभेत ठराव रद्द करण्याचा ठराव होत नाही तोवर विरोधक स्वस्थ बसणार नाहीत अशी भूमिका गोकुळ बचाव संघर्ष समितीने घेतली आहे. उल्लेखनीय म्हणजे गेल्या वर्षीची वार्षिक सभाही याच मुद्यावरून गाजली होती. विधानसभा निवडणूक २०१९ मध्येही कोल्हापुरात हाच मुद्दा चर्चेचा विषय ठरला होता.
विशेष म्हणजे, गोकूळ दूध संघ हा राज्यातील सर्वात मोठा सहकारी दूध प्रकल्प आहे. गोकूळच्या बहुराज्य संस्था नोंदणीचा प्रस्ताव सत्तारुढ गटानं मांडला होता. परंतु, त्याविरोधात जोरदार जनमत उभं राहीलं… आणि हा प्रस्ताव गुंडाळला गेला. दोन दिवसांपूर्वी संघाचे अध्यक्ष रवींद्र आपटे यांनी याबद्दल एक पत्रक काढून माहिती दिली. हा प्रस्ताव रद्द करण्यात आल्याचं त्यांनी जाहीर केलं. आमदार सतेज पाटील यांनीही या निर्णयाचं स्वागत केलं. मात्र, माजी आमदार महादेवराव महाडिक यांचा या प्रस्तावाला पाठिंबा आहे. त्यामुळेच या दोन गटांत वाद होण्याची शक्यता वर्तवण्यात येत होती.कोल्हापूर जिल्ह्याचं सत्ताकेंद्र म्हणून गोकुळ दूध संघाकडे पाहिलं जातं. दूधसंघ मल्टीस्टेट करण्याच्या संचालकांच्या इराद्यामुळे रणकंदन माजलं होतं. पण आता हा निर्णय रद्द करण्यात आलाय. ‘आमदारकी नको पण गोकुळचं संचालकपद द्या’ अशी एक म्हण कोल्हापूर जिल्ह्यात रूढ आहे. यावरूनच याचं महत्त्व लक्षात येईल. गोकुळची सत्ता हस्तगत करण्यासाठी सत्ताधारी आणि विरोधक नेहमीच आक्रमक असतात. गोकुळ दूधसंघ मल्टीस्टेट करण्याची संचालकांची इच्छा होती. पण विरोधकांचा आक्रमक पवित्रा पाहून अखेर संचालक रविंद्र आपटे यांनी हा वादग्रस्त निर्णय रद्द केला. ३० आक्टोबर (आज) रोजी गोकुळ दूध संघाची वार्षिक सभा होणार आहे.त्याआधीच मल्टीस्टेटचं गुऱ्हाळ मागे घेण्यात आलंय. गेल्या वर्षीच्या वार्षिक सभेत महासंघ मल्टीस्टेट करण्याचा ठराव रेटला होता. त्यामुळे धनंजय महाडिकांना लोकसभा निवडणुकीत फटका बसला होता. विधानसभा निवडणुकीतही अमल महाडिकांना हा मुद्दा डोकेदुखीचा झाला.सभासद शांत होते पण दोन्ही गटाचे कार्यकर्ते दंगा करत होते.सत्ताधारी समर्थक गट अक्रमक राहिल्यामुळे सभेचे वातावरण तंग राहिले
