सावदा- फैजपूर रस्त्याच्या दुतर्फा उभ्या असलेल्या ट्रक्स मुळे वाहतुकीची कोंडी,
फैजपूर प्रतिनिधी सलीम पिंजारी तालुका यावल
सावदा पोलीस स्टेशन कार्यक्षेत्रात असलेल्या आणि, बऱ्हाणपूर – अंकलेश्वर
महामार्ग असलेल्या
सावदा फैजपूर रोड हा अत्यंत वर्दळीचा रस्ता असून विशेषतः रावेर- यावल तालुक्यासह सम्पूर्ण परिसर केळी साठी प्रसिद्ध आहे , दररोज शेकडो ट्रक्स, रिक्षा, एसटी, टू व्हीलर ट्रॅक्टर्स जीप , दुचाकी व इतर जड वाहनांची वर्दळ .या रस्त्यावरून अहोरात्र ट्रक्स उभ्याराहत असल्याने यामागे कोणाची मनमाणी आहे का असा प्रश्न उपस्थित होत असून याला आशीर्वाद कोणाचा आणि संबंधित वाहतूक पोलिस याकडे का लक्ष देत नाही , असाही प्रश्न उपस्थित होत आहे
अनेक वर्षापासून दररोज दोन्ही बाजूने शेकडो ट्रक्स उभे राहत असल्याने अपघातास धोका निर्माण झालेला आहे तसेच या रस्त्यावरने धनाजी नाना महाविद्यालय, बहिणाबाई माध्यमिक विद्यालय, गुरुकुल इंग्लिश मीडियम डॉक्टर, उल्हास पाटील इंग्लिश मीडियम, फार्मसी कॉलेज, अशा विविध विद्यालय असल्यामुळे सहाजिकच या रस्त्यावरून विद्यार्थ्यांची ये जा मोठ्या प्रमाणात सुरू असते काही विद्यार्थी एसटीने येतात काही रिक्षाने येतात काही दुचाकीने येतात तर काही सायकलने येतात मात्र दोन्ही बाजूने दररोज जड वाहने उभे असल्याने विद्यार्थ्यांच्या जीवाला आणि नागरिकांच्या जीवाला धोका निर्माण झालेला असून रात्र न दिवस या रस्त्यावर ट्रकांची असलेली गर्दी ही एखाद्या अपघाताला आमंत्रण असल्याचे दिसत आहे आणि या रस्त्याने अनेक वेळा अपघात झालेले आहे यासाठी लोकप्रतिनिधीने उपाय योजनेची गरज भासत असून अनेक वेळा येथील एमआयडीसी जवळ ट्रका दोघी बाजूने लागलेल्या रांगा असतात आणि एमआयडीसीतून कोण निघत आहे नेमके कोणते वाहन निघत आहे हे दिसत नसल्यामुळे लहान मोठे खड्डे हे सुद्धा या रस्त्यावरील अपघातांना कारणीभूत असतातच.
या अगोदर अवजड वाहनांचा ताफा हा फक्त एमआयडीसी समोर असलेल्या ट्रान्सपोर्ट नगर जवळ असायचा मात्र आता तो ताफा धनाजी नाना महाविद्यालयाच्या पर्यंत वाढतच चालला आहे रस्त्याच्या दुतर्फा लागणार्या ट्रक्स च्या वाहनांमुळे वाहतुकीस मोठ्या प्रमाणावर अडथळा निर्माण होत असून याला आशीर्वाद कोणाचा असा प्रश्न उपस्थित झाला आहे तसेच लोकप्रतिनिधींनी आणि संबंधितांनी याकडे लक्ष केंद्रित करून उपाययोजना करावी अशी मागणी वाहतूकदारांकडून केली जात आहे
