इंदापूर तालुक्यात १४ कोरोनाग्रस्त मोहोळचे आमदार यशवंत माने यांच्यासह पंचायत समितीच्या विद्यमान पदाधिकाऱ्यास कोरोनाची लागण..
पुणे जिल्हा दत्ता पारेकर
पुणे:इंदापूर तालुक्यात आज कोरोनाने बड्यांना घेरले. मोहोळच्या आमदारांना तसेच इंदापूर पंचायत समितीच्या उपसभपातींना देखील कोरोनाची लागण झाल्याचे इंदापूर तालुक्यातील आरोग्य खात्याच्या सूत्रांनी सांगितले, जाचकवस्ती येथील एकाच कुटुंबातील नऊ जण कोरोनाग्रस्त आढळले आहेत. आज नव्याने १४ जण कोरोनाग्रस्त आढळले आहेत.
भवानीनगर येथेही जुन्या कोरोनाग्रस्ताच्या संपर्कातील आणखी एकास कोरोनाची लागण झाली आहे. कुरवली येथील ३२ वर्षीय पुरूष रुग्णास कोरोनाची लागण झाली आहे. पडस्थळ .येथील ६५ वर्षीय पुरूष, पिंपरी बुद्रुक येथील ६५ वर्षीय पुरूष, भिगवण येथील ४५ वर्षीय पुरूष रुग्णासही कोरोनाची लागण झाली आहे.
जाचकवस्ती येथील एक व्यावसायिक कोरोनाग्रस्त आढळल्यानंतर त्याच्या संपर्कातील कुटुंबियांपैकी २७ वर्षीय महिला, २५ वर्षीय महिला, २३ वर्षीय महिला, २५ वर्षीय महिला, २ वर्षीय चिमुकली, २ महिन्याची चिमुकली, ४५ वर्षीय महिला व ९० वर्षीय पुरूष असे रुग्ण आढळून आले आहेत. इंदापूर शहरातील येथील ६२ वर्षीय महिलेला कोरोनाची लागण झाली असून गोखळी येथील १७ वर्षीय युवक, लासुर्णे येथील चार वर्षीय मुलगी, इंदापूर शहरातील कसबा येथील २२ वर्षीय युवक, वरकुटे खुर्द येथील ४८ वर्षीय पुरूष रुग्णास कोरोनाची लागण झाली आहे.
