धनदाई महाविद्यालयात विद्यापीठस्तरीय अभ्यासक्रम पुनर्रचना कार्यशाळा संपन्न.
अमळनेर नूर खान
येथील धनदाई महाविद्यालय व कवियत्री बहिणाबाई चौधरी उत्तर महाराष्ट्र विद्यापीठ यांच्या संयुक्त विद्यमाने विद्यापीठ क्षेत्रातील इंग्रजी व संरक्षण शास्त्र या विषयांच्या तृतीय वर्ष अर्थात टी. वाय. बी. ए. साठीची एक दिवसीय अभ्यासक्रम पुनर्रचना कार्यशाळा संपन्न झाली. कार्यशाळेच्या उद्घाटन प्रसंगी महाविद्यालयाचे प्राचार्य तथा विद्यापीठाच्या मानव्य विद्याशाखेचे प्र. अधिष्ठाता डॉ. प्रमोद पवार हे तर प्रमुख अतिथी म्हणून विद्यापीठाच्या इंग्रजी विषयाच्या अभ्यासक्रम मंडळाच्या अध्यक्षा प्रा. डॉ. मुक्ता महाजन, NMUETA चे अध्यक्ष प्राचार्य डॉ. ए. पी. खैरनार, संरक्षण शास्त्र अभ्यासक्रम मंडळाचे अध्यक्ष डॉ. के. बी. पाटील, प्राचार्य डॉ. व्ही. वाय. जाधव, इंग्रजी विभागप्रमुख प्रा. लिलाधर पाटील, संरक्षणशास्त्र विभागप्रमुख प्रा. महादेव तोंडे आदी मान्यवर उपस्थित होते.
कार्यशाळेच्या उद्घाटनप्रसंगी बोलताना प्राचार्य डॉ ए. पी. खैरनार यांनी अभ्यासक्रम तयार करताना विद्यार्थ्यांच्या गरजा लक्षात घेऊन कौशल्यावर आधारित अभ्यासक्रम तयार करावा अशी अपेक्षा व्यक्त केली. तर कार्यक्रमाचे अध्यक्ष प्राचार्य डॉ प्रमोद पवार यांनी सीबीसीएस पद्धती लागू झाल्यापासून अभ्यासक्रमात होत असलेल्या बदलांचा आढावा घेऊन येणारे नवीन पॅटर्न उपस्थितांना समजावून सांगितले. नवीन पद्धतीस घाबरून न जाता काळानुरूप स्वतःमध्ये बदल करून अपडेट होण्याचा सल्ला त्यांनी उपस्थित प्राध्यापकांना दिला.
यानंतरच्या सत्रात डॉ. अनिल पाटील, डॉ.विजय बच्छाव, डॉ. गजानन पाटील डॉ. प्रवीण बोरसे यांनी तृतीय वर्ष इंग्रजी विषयासाठी असलेल्या विविध प्रस्तावित पेपर संबंधित प्रेझेन्टेशन सादर केले. तर डॉ. डी. जी. विसपुते,डॉ जे. डी. लेकुरवाळे, प्रा. जी. जे. गावित, डॉ. एन. झेड.पाटील यांनी संरक्षण शास्त्र विषयाशी संबंधित प्रेझेंटेशन सादर केले. भोजना नंतरच्या सत्रात या अभ्यासक्रमात नेमल्या जाणाऱ्या विविध घटकांविषयी चर्चा करण्यात आली. यात विविध महाविद्यालयांच्या प्राध्यापकांनी सहभाग घेतला.
कार्यशाळेच्या अंतिम सत्रात प्रा. डॉ.मुक्ता महाजन यांनी इंग्रजी विषयाचा अभ्यासक्रम तयार करताना विद्यार्थ्यांना साहित्य अभिरुची वाढावी याबरोबरच त्यांच्यामध्ये इंग्रजी बोलण्याचा आत्मविश्वास निर्माण व्हावा व त्यांना इंग्रजी संबंधित विविध कौशल्य आत्मसात करता यावे यावर अभ्यासक्रम पुनर्रचना मंडळाचा भर असल्याचे सांगितले. तर डॉ. के.बी. पाटील यांनी संरक्षणशास्त्र विषय शिकत असताना विद्यार्थ्यांना देशाच्या बाह्य व आंतरिक सुरक्षेबरोबरच विविध सामरिक नितींचे देखील ज्ञान व्हावे यासाठी प्रयत्न करणार असल्याचे स्पष्ट केले कार्यशाळेचे सूत्रसंचालन प्रा मीनाक्षी इंगोले प्रा लिलाधर पाटील प्रा महादेव तोंडे,प्रा. प्रशांत पाटील यांनी केले.
कार्यशाळेच्या यशस्वी नियोजनासाठी उपप्राचार्य प्रा. किशोर पाटील डॉ. जयवंतराव पाटील, प्रा. प्रवीण पवार, डॉ. राहुल इंगळे, प्रा. रमेश पावरा , डॉ संगीता चन्द्राकर, कैलास आहिरे, एस. बी. गिरासे, दगडू पाटील, विष्णू शेटे, राजेंद्र पाटील, किशोर पाटील, नारायण पाटील यासह महाविद्यालयाच्या सर्व कर्मचाऱ्यांनी परिश्रम घेतले.
