देवळाली कॅन्टोन्मेंट रुग्णालयाला कोरोना किट वितरण
नाशिक जिल्हा प्रतिनिधी शांताराम दुनबळे
ख्रिस्ती बांधवांच्या नाशिक सोशल सर्व्हिस यांच्या सोसायटीच्या वतीने तर नाशिक धर्मप्रांताचे धर्मगुरू बिशप लुर्ड्स डेनियल यांच्या मार्गदर्शनाखाली कोविड -१ ९ के अर सेंटर असलेल्या कॅन्टोन्मेंट बोर्ड हॉस्पिटलमधील डॉक्टर्स , नर्सेस व स्टाफ यांच्यासाठी ५० पीपीई किटचे वितरण येथील कॅन्टोन्मेंट बोर्ड कार्यालयाच्या सभागृहात पार पडले . याप्रसंगी करोना विषाणूला हरविण्यासाठी प्रत्येक घटकाने डॉक्टर्स व प्रशासनाला सहकार्य केल्यास हे युद्ध आपण जिंकू , असा विश्वास खा . हेमंत गोडसे यांनी व्यक्त केला . यावेळी नगरसेवक सचिन ठाकरे , तानाजी करंजकर , फादर नॉलेस्को गोम्स , फादर विशाल त्रिभुवन , मार्टिन फर्नाडिस , अक्षय गवळी , जॉवेन फर्नाडिस आदी उपस्थित होते . नाशिक सोशल सर्व्हिसेस सोसायटीचे संचालक फादर नॉलेस्को गोम्स यांनी कॅन्टोन्मेंट बोर्डाचे मुख्य कार्यकारी अधिकारी अजय कुमार यांच्याकडे हे ५० पीपीई किट सुपूर्द केले आहे
