अमळनेर स्थानिक गुन्हे शाखेची धडक कारवाई
शहरातील तिरुपती बालाजी स्पोर्ट्स क्लब वर छापा; 12 लोकांवर कारवाई तर सुमारे 1 लाख 11 हजार 7 रुपयांचा मुद्देमाल जप्त
नूर खान
अमळनेर : शहरातील निकंभ कम्पेक्समधील गाळा नंबर 25 मध्ये सुरेंद्र पंढरीनाथ फालक याच्या मालकीच्या गाळयात तिरुपती बालाजी स्पोर्टस क्लब अमळनेर शाखा या नावाने क्रिडा संस्था चालु असुन सदर क्रिडा संस्थेत स्पोर्ट्स क्लबच्या नावाखाली झन्ना मना नावाचा जुगाराचा खेळ खेळला जात असल्याची गोपनीय माहिती पोलिसांना मिळालेली होती. त्या नुसार मिळालेल्या
गोपनिय माहिती प्रमाणे अमळनेर शहरातील निकुंभ कॉम्प्लेक्स मधील गाळा नंबर 25 मध्ये सुरेद्र पंढरीनाथ फालक याचे मालकाच्या गाळ्यामध्ये चालु असलेल्या तिरुपती बालाजी स्पोर्टस क्लब अमळनेर शाखा या ठिकाणी जावून छापा टाकून कारवाई केली. ही कारवाई दिनांक 3 मार्च रोजी दुपारी कारवाई पोलिस निरीक्षक आंबदास मोरे यांच्या मार्गदर्शनाखाली स्थानिक गुन्हे शाखेने केली. त्या ठिकाणी पत्ता जुगाराची 1 लाख 11 हजार 7 रुपयाची साधने व रोख रुपये मिळुन आली आहे. दरम्यान यात सुमारे 12 लोकांविरुद्ध महाराष्ट्र जुगार प्रतिबंध अधिनियम 4 व 5 नुसार गुन्हा दाखल करण्यात आला आहे. पुढील तपास पोलीस उपनिरीक्षक गणेश सूर्यवंशी हे करीत आहेत.
