शिक्षक भारतीतर्फे गरजूंना जीवनावश्यक वस्तूंचे वितरण
चिमूर ज्ञानेश्वर जुमनाके
कोरोना व्हायरसच्या संसर्गामुळे देशात लॉकडाऊन लागू झाले आहे.लॉकडाऊनमुळे अनेक मजूर,गरीब लोकांच्या रोजच्या मजूरीच्या कामांवर संक्रांत आली आहे.कोरोना व्हायरस संक्रमणाविरुद्ध युद्ध जिंकायचे असेल तर घरी राहूनच लढावे लागेल,या शासनाच्या आवाहनामुळे अनेक व्यवसाय बंद आहेत.परिणामी दैनंदिन मजूरीवर अवलंबून असणा-यांचे मोठे हाल होत आहेत.अनेकांची परवड होत आहे.अशा मजूर,गरीब,गरजू लोकांना शिक्षक भारतीतर्फे जीवनावश्यक वस्तूंच्या कीटचे वितरण करुन मदत करण्यात आली.
चिमूरमधील विविध वार्डांतील अनेक गरजू व्यक्तींना ही मदत करण्यात आली.याप्रसंगी शिक्षक भारतीचे चंद्रपूर जिल्हाध्यक्ष सुरेश डांगे,माध्यमिक जिल्हाध्यक्ष भास्कर बावनकर,राष्ट्र सेवा दलाचे इम्रान कुरेशी,शिक्षक भारती चिमूर तालुका अध्यक्ष रावन शेरकुरे,चिमूर प्रेस असोशिएशनचे अध्यक्ष चुन्नीलाल कुडवे,मुख्याध्यापक संघाचे विनोद पिसे,सामाजिक कार्यकर्ते श्रीदास राऊत,मनोज राऊत,आकाश भगत,अनिल दोडके आदी उपस्थित होते.राष्ट्र सेवा दल,वामनराव पाटील स्मृती प्रतिष्ठाण,स्वराज्य बांधकाम कामगार संघटना यांनी याकामी विशेष सहकार्य केले.
