पीएम केअर फंडातून मिळालेल्या व्हेंटिलिटरची चौकशी करा – आ. सतीश चव्हाण

पीएम केअर फंडातून मिळालेल्या व्हेंटिलिटरची चौकशी करा – आ. सतीश चव्हाण
गणेश ढेंबरे औरंगाबाद
औरंगाबाद : पंतप्रधान साहाय्यता निधीतून औरंगाबाद येथील शासकीय वैद्यकीय महाविद्यालय व रूग्णालयास (घाटी) देण्यात आलेल्या व्हेंटिलेटरची आज आमदार सतीश चव्हाण यांनी पाहणी केली.
पीएम केअर फंडातून घाटी रूग्णालयाला 150 व्हेंटिलेटर देण्यात आले. मात्र हे व्हेंटिलेटर निकृष्ट असून आयसीयू कक्षात लावण्याच्या दजार्च नसल्याचे घाटीतील तज्ञ डॉक्टरांच्या निदर्शनास आले आहे. तसा अहवाल देखील यासंदर्भात नियुक्त केलेल्या घाटीतील तज्ञ डॉक्टरांच्या समितीने दिला आहे.
व्हेंटिलेटर कसे चांगले आहे हे सांगण्याचा भाजप नेते आता केविलवाणा प्रयत्न करू लागले आहेत. 150 व्हेंटिलेटर देण्याऐवजी पंधराच व्हेंटिलेटर चांगल्या दर्जाचे दिले असते तर अनेक गंभीर असलेल्या रूग्णांसाठी उपयोगात आणता आले असते.
केंद्र सरकारला मदत करता येत नसेल तर करू नका. मात्र असे निकृष्ट दर्जाचे वैद्यकीय उपकरणे देऊन कृपया रूग्णांच्या जीवाशी खेळू नका. तसेच सदरील प्रकरणाची उच्चस्तरीय चौकशी करून निकृष्ट दर्जाचे व्हेंटिलेटर पुरवणार्‍या कंपनीवर कारवाई करावी. अशी मागणी आमदार सतीश चव्हाण यांनी केली आहे.