अयोध्येत उत्खननात सापडलेल्या प्राचीन बुध्द मुर्तीचे अवशेष नष्ट नकरता जतन करा.
बुद्धिस्ट इंटरनॅशनल नेटवर्कची मागणी
अमळनेर बुद्धिस्ट इंटरनॅशनल नेटवर्क तालुका युनिटच्या माध्यमातून अयोध्या येथील २.७७ एकर जमिनीच्या
समतली करणात प्राचीन बुध्द
मुर्तीचे अवशेष मिळाले असून बुध्दकालिन अवशेष भारतीय पुरातत्त्व विभागाने हे नष्ट नकरता जतन करावे या आशयाचे निवेदन भारताचे राष्ट्रपती यांना अमळनेर तहसीलदार मिलिंद वाघ यांच्या माध्यमातून देण्यात आले.
अयोध्येत सुरू असलेल्या उत्खननात प्राचीन बुद्ध कालीन मुर्त्या सह ताम्रपट सारखे अनेक अवशेष सापडत आहे मात्र तेथील सरकार हे अवशेष
नष्ट करण्याचा प्रयत्न करीत आहे. पुरातत्व विभागाला हाताशी धरून हे काम करीत आहे. अयोध्येची भूमी ही प्राचीन बुध्दकालिन साकेतनगरी असल्याचे निवेदनात नमूद केले आहे.
या उत्खननातील बुध्दकालिन मूर्त्या व अवशेष तेथील सरकार नष्ट करत असल्याने या अवशेषाचे जतन करून सदर जमीन बौद्धांच्या ताब्यात द्यावे ,या करिता बुध्दिस्ट इंटरनॅशनल नेटवर्कच्यावतीने राष्ट्रीय स्तरावर
अवशेषाचे संवर्धन करण्यात यावे
यासाठी देशभर साकेत बचाव आंदोलन उभारण्यासाठी तसेच आंबेडकरी जनतेचे लक्ष वेधण्यासाठी देशातील ५५० जिल्हे पाठिंबा द्यावा असे आवाहन व ५ हजार तालुक्यात निवेदन देण्यात आले आहे.
यावेळी बुध्दिस्ट इंटरनॅशनलचे तालुका अध्यक्ष ए एम मोरे, उपाध्यक्ष प्रा सुनिल वाघमारे, योगराज संदानशिव, सहसचिव अजय भामरे, नगरसेवक नरेंद्र संदानशिव, देवदत्त संदानशिव, संजय मरसाळे, विजय गाढे, जयंतलाल वानखेडे संतोष पाटील, ज्ञानेश्वर निकम आदी कार्यकर्ते उपस्थित होते.
