पळसदेव येथील ११ नागरिक कोरोना रुग्णाच्या संपर्कात..
पुणे जिल्हा प्रतिनिधी दत्ता पारेकर
पुणे: इंदापूर तालुक्यातील नागरिकसाठी धक्कादायक अशी बातमी आहे. पळसदेव गावातील ९ व्यक्तींचे अख्खे कुटुंब व शेजारी राहणाऱ्या २ अशा ११ व्यक्ती कोरोना बाधित रुग्णाच्या संपर्कात आल्याचे उघड झाले आहे. त्यामुळे इंदापूरकरांची चिंता अधिकच वाढली आहे.
इंदापूर तालुक्यातील मौजे पळसदेव गावातील एक पोलीस कर्मचारी शुक्रवार दिनांक ११ मे रोजी दोन दिवसाची सुट्टी काढून आपल्या मूळ गावी पळसदेव येथे आला.दोन दिवस घरी थांबल्यानंतर सोमवार दिनांक १८ मे रोजी पहाटे ही व्यक्ती व्यक्ती पुन्हा पुणे येथे नेमणूक असणाऱ्या आपल्या मुख्यालयात हजार झाली. मात्र अचानक शारीरिक तब्येत बिघडल्याने त्रास होऊ लागला. तात्काळ या व्यक्तीला उपचारासाठी दवाखान्यात दाखल करण्यात आले.त्याची वैद्यकीय तपासणी केली असता सदर पोलीस कर्मचाऱ्याचा कोरोना चाचणी अहवाल पाॅझिटीव्ह आला आहे. त्यामुळे इंदापूर करांची चिंता अधिकच वाढले आहे.
शुक्रवार दिनांक २२ मे रोजी इंदापूर तालुक्यातील पोंदकुलवाडी परिसरात दोन कोरोना रुग्ण आढळून आल्याने इंदापूर तालुक्यात खळबळ माजली आहे. मुंबईहून आलेल्या मायलेकरांना कोणाचे लागण झाल्याने त्यांच्यावर इंदापूर मधील डॉ. कदम गुरुकुल याठिकाणी उपचार सुरू आहेत. तर हे दोन्ही रुग्ण परिसरातील जवळपास अकरा नागरिकांच्या संपर्कात आले असल्याचेही स्पष्ट झाले.त्या नंतर या अकरा नागरिकांच्या घशातील स्वँब घेण्यात आले.आणि असे असतानाच पळसदेव मधील ही गंभीर घटना समोर आल्यामुळे इंदापूर करांचा जीव टांगणीला लागला आहे.
सध्या या कुटुंबातील अकरा सदस्यांच्या घशातील स्त्रावाचे नमुने कोरोना चाचणी साठी घेण्यात येणार असून त्याचा अहवाल प्राप्त झाल्यानंतर काय ते समजेल. या सर्व कुटूंबाला तात्काळ विलगीकरण कक्षात ठेवण्यात येणार असल्याची माहीती तहसीलदार सोनाली मेटकरी यांनी दिली आहे.
सध्या पुणे आणि मुंबई अशा रेडझोन मधून मोठ्या संख्येने नागरिक इंदापूरमध्ये स्तलंतरीत होत आहेत. इंदापूर तालुक्यामध्ये पुणे-मुंबईसारख्या रेडझोन मधून येणाऱ्या नागरिकांची माहिती प्रशासनाला तत्काळ कळवावे जे नागरिक या स्थलांतरित लोकांची माहिती प्रशासनापासून लपवतील त्यांच्यावर शासकीय नियमानुसार गुन्हे दाखल होणार असल्याचे राज्यमंत्री दत्तात्रय भरणे शुक्रवार दि.२२ मे रोजी पत्रकार परिषद घेत स्पष्ट केले आहे. मात्र पुणे-मुंबईसारख्या रेड झोन मधून इंदापूर तालुक्यात आलेल्या नागरिकांची माहिती प्रशासनाला तात्काळ कळवावी असे आवाहन ही दत्तात्रय भरणे यांनी केले आहे.
