संत निरंकारी चॅरीटेबल फाउंडेशन मार्फत बोदवड ला 23 फेब्रुवारी रोजी महा स्वच्छता अभियान
प्रतिनिधी जितेंद्र गायकवाड
बोदवड,दि.२३ फेब्रुवारी संत निरंकारी चॅरीटेबल फाउंडेशन (दिल्ली)द्वारा तत्कालीन सद्गुरु निरंकारी बाबा हरदेव सिंह जी महाराज यांच्या 66 व्या जन्मजयंती निमित्ताने निरंकारी जगतात गुरुपूजा दिवस साजरा केला जाणार आहे. त्याअंतर्गत संपूर्ण भारत देशामध्ये 1166 पेक्षा अधिक सरकारी दवाखान्यांत महास्वच्छता अभियान संत निरंकारी चँरिटेबल फौंडेशन एकाच दिवशी राबवित आहे. विद्यमान सद्गुरु माता सुदीक्षाजी महाराज यांच्या आशीर्वादाने प्रत्येक वर्षा प्रमाणे ह्या वर्षी देखील संपूर्ण देशात महास्वच्छता अभियान राबवण्यात येणार असून हे ऐतिहासिक स्वच्छता अभियान धुळे झोनमध्ये *धुळे झोनचे झोनल प्रमुख श्री हिरालाल जी पाटील* यांच्या नेतृत्वाखाली *धुळे, नंदुरबार व जळगाव* जिल्ह्यातील प्रत्येक शासकीय रुग्णालयांमध्ये राबविले जात आहे.
दिनांक 23 फेब्रुवारी(रविवार) रोजी सकाळी ८ ते १२ या वेळात सर्वत्र महा स्वच्छता अभियान तसेच वृक्षारोपण करण्यात येणार आहे यावेळी संत निरंकारी चॅरीटेबल फाऊंडेशन चे स्वयंसेवक, सेवादल सदस्य व शेकडोंच्या संख्येने साध संगतचे सदस्य उपस्थित राहणार आहेत.
मंडळाच्या आदेशानुसार बोदवड येथील ग्रामीण रुग्णालय या ठिकाणी देखील या स्वच्छता अभियानाचे आयोजन करण्यात आलेले आहे. या वेळी ग्रामीण रुग्णालयाचे वैद्यकीय अधिक्षक डॉ. उदय पाटील उपनगराध्यक्ष दिनेश भाऊ माळी व संजय भाऊ वराडे तसेच संत निरंकारी मंडळाच्या बोदवड शाखे चे मुखी रविंद्र जी माळी व रांजणी शाखे चे मुखी सज्जन जी धनगर यांच्या प्रमुख उपस्थितीत महास्वच्छता अभियान राबवले जाणार आहे.तसेच संध्याकाळी.७ ते ९ या वेळेत बोदवड ब्रँच येथे प.आ.गंगाधर जी जोशी (सेवादल संचालक जळगाव)यांच्या अध्यक्षतेखाली सत्संगाचे व महाप्रसादाचे आयोजन करण्यात आले आहे या सामाजिक उपक्रमात नागरिकांनी देखील सहभाग नोंदवावा असे आवाहन बोदवड चे मुखी रविंद्र जी माळी व सेवादल इंचार्ज राजु जी घुले यांनी केले आहे.
