अमळनेरकरांनो काळजी घ्या.. घरातच रहा… सोशल डिस्टन्गसिंग चे पालन करा..माजी आमदार कृषिभूषण साहेबराव पाटील
योगेश पवार
अमळनेर – कोरोनाची लागण शहरभर पसरल्याने परिस्थिती गंभीर झाली आहे. कोरोनाचे संक्रमण कसे होते ? हे समजत नसल्याने आणि रुग्णासाठी रुग्णालयात देखील जागा मिळत नाही म्हणून शासनाच्या नियमांचे पालन करा आणि दुकाने उघडत असली तरी बाजारात अनावश्यक फिरू नका, असे आवाहन माजी आमदार साहेबराव पाटील यांनी केले आहे.
शहरातील सर्वच भागात कोरोनाचा संसर्ग वाढू लागला असून नागरिकांनी मास्क न लावल्यामुळे, सोशल डिस्टन्ससिंगचे पालन न केल्यामुळे त्याचा कॅरियर मार्फत प्रसार होत आहे. त्यामुळे आजारी आणि मधुमेह व वृद्ध व्यक्तींना लवकर ग्रासले जात असून त्यातील अनेकांचा मृत्यू ओढवत आहे. घरातील जेष्ठ आणि मार्गदर्शक व्यक्ती कोरोनामुळे आपल्यातून हिरावून नेत आहेत. रुग्णालये देखील फुल होत असून काही डॉक्टर देखील कोरोनाग्रस्त होत आहेत. त्यामुळे नागरिकांनी बाजारात आणि दुकानांवर खरेदीला जाताना मास्क आवश्यक करून सोशल डिस्टन्स पाळावे तसेच दुकानदार कडे सॅनिटायझर नसेल तर त्याच्याकडून माल खरेदी करू नये, असेही आवाहन माजी आमदार साहेबराव पाटील यांनी केले आहे.
