डोळा फ्लू टाळण्यासाठी मार्ग: मान्सून सुरू झाला कि डोळ्यांच्या साथीची प्रकरणे वेगाने वधू लागतात, डोळा कोरडा पडणे, खाज सुटणे, सतत चिकट स्त्राव वाहत राहणे अशा समस्या उद्भवतात. शिवाय ही साथ एकामुळे घरातील प्रत्येक सदस्याला येऊ शकते. अशावेळी योग्य काळजी आणि खरबरदरी घेतल्यास हा संसर्ग टाळता येऊ शकतो. ही एक अत्यंत सांसर्गिक स्थिति असल्यामुळे, त्याचा प्रसार रोखण्यासाठी स्वच्छता राखणे आवश्यक आहे.
20-20-20 नियम
कॉम्प्युटरवर जास्त वेळ घालवणे किंवा डोळ्यांवर ताण येऊ शकणारी इतर कामे केल्याने तुमचे डोळे थकून जातात, ज्यामुळे रात्री डोळ्याला खाज सुटू शकते. अशावेळी २०-२०-२० चा नियम पाळण्याचा प्रयत्न करा. म्हणजे ऑफिस कामाच्या प्रत्येक 20 मिनिटांनी, कॉम्प्युटर स्क्रीनपासून दूर पहावे आणि 20 फूट दूर असलेल्या वस्तूकडे 20 सेकंद टक लावून पाहावे, ज्यामुळे डोळ्यांना आराम मिळतो.
डोळ्यांचा भाग स्वच्छ ठेवणे
बाहेरील धूळ कण, घाण आणि मेकअपमुळे डोळ्यांना खाज येऊ शकते. त्यामुळे संसर्गाच्या काळामध्ये आय मेकअप शक्यतो करणे टाळा. शिवाय बाहेर जात असाल तर गॉगल लावून जा. रात्री घरी आल्यावर डोळे स्वच्छ धुवा, डोळ्यात जर जळजळ होत असेल तर थंड पाण्याने डोळा धुवा.
कॉन्टॅक्ट लेन्सचा वापर बंद करा
कॉन्टॅक्ट लेन्स घातल्याने डोळ्यांना खाज येऊ शकते. काही लोक त्यांचे कॉन्टॅक्ट लेन्स रात्रभर घालून झोपतात, ज्यामुळे हे डोळ्याची समस्या उद्भवू शकते. जोपर्यंत तुमच्या डोळ्याला खाज येत आहे, तोपर्यंत कॉन्टॅक्ट लेन्सचा वापर करणे टाळा. डिस्पोजेबल कॉन्टॅक्ट लेन्स वापरा.
बाहेरून आल्यानंतर सर्वप्रथम हात पाय धुवा. संसर्ग टाळण्यासाठी आपले हात नियमितपणे धुवा आणि डोळ्यांना स्पर्श करणे टाळा. कपडे, उशी आणि टॉवेल नियमितपणे धुवा.जर तुम्हाला हंगामी ऍलर्जी असेल तर झोपण्यापूर्वी किंवा बाहेरून आल्यानंतर आंघोळ किंवा शॉवर घ्या.तुम्ही घराबाहेर असता तेव्हा तुमच्या डोळ्यांना परागकण किंवा धुळीपासून वाचवण्यासाठी सनग्लासेस घाला.
मधामध्ये अँटी बॅक्टेरियल गुण असतात. जर तुम्हाला आय फ्लूची लागण झाली असेल तर ग्लासभर पाण्यात दोन चमचे मध मिक्स करून दिवसातून पाच ते सहा वेळा डोळे धुवा. यामुळे तुमच्या डोळ्यांचं दुखणं, खुपणं आणि सूज कमी होईल.
गुलाब पाण्याने डोळ्यांना आराम मिळतो. यामध्ये अँटी बॅक्टेरियल आणि एँटीसेप्टिक गुण आहे ज्यामुळे डोळे साफ होतात आणि चिकटपणा देखील दूर होतो. थंड गुलाब पाण्याचे दोन थेंब काही मिनिटांत डोळ्यांचे आजार दूर होतात.
बटाटे घेतील डोळ्यांची काळजी
आय फ्लूमुळे जर डोळ्यांमध्ये खाज येत असेल तर बटाट्याचा वापर करू शकता. बटाट्याचे पातळ तुकडे कापून डोळ्यांवर ठेवा. यामुळे सूज तर कमी होईलच पण खाज आणि चिकटपणा देखील कमी होतो.
ग्रीन टी
ग्रीन टीमुळे तुम्ही डोळ्यांना होणारा संसर्ग टाळू शकता. सूज आल्यावर ग्रीन टीची बॅग वापरल्यास डोळे थंड होण्यास मदत होते. डोळ्यावर १० ते १५ मिनिटे डोळ्यांवर ग्रीन टीची बॅग ठेवा.
सलाइन वॉटर
आय ड्रॉप्सप्रमाणे तुम्ही डोळ्याला आराम देण्यासाठी सलाइन वॉटरचा वापर करावा. याचे एक ते दोन थेंब डोळ्यात पाणी घातल्याने डोळे अतिशय साफ आणि स्वच्छ होते.
थंड पाण्याचा वापर
थंड पाण्याचा वापर केल्याने सूज आणि जळजळ कमी होते. यावेळी बर्फाच्या पाण्याचा वापर केल्यास अधिक फायदा होऊ शकतो. फक्त लक्षात ठेवा की, डोळे जोरात दाबू नका नाहीतर सूज अधिक वाढेल.
हळदीचे पाणी फायदेशीर
आय फ्लू टाळण्यासाठी कोमट पाण्यात दोन ते तीन चिमुटभर हळद टाकावी. या पाण्यात कापूस टाकून डोळ्याला लावा. हळदीचे अँटीसेप्टिक गुण असल्यामुळे डोळे स्वच्छ आणि साफ होतीत.
