Maharashtra

?️ हया अभिनेत्री सोबत सलमान खानला व्हायचे होते विवाह बद्ध

?️ हया अभिनेत्री सोबत सलमान खानला व्हायचे होते विवाह बद्ध

गेल्या काही दिवसांपासून सलमान खानचा एक व्हिडीओ सोशल मीडियावर व्हायरल होत आहे.यात एका अभिनेत्रीच्या संदर्भात सलमान स्तुती करताना दिसून येत आहे. तसेच तिच्याशी विवाह करण्याची इच्छा होती आणि या बाबतीत तिच्या वडिलांना विचारले होते परंतु त्यांनी नकार दिला असेही एका मुलाखतीत सलमानने म्हटले आहे.

ही अभिनेत्री आहे जुही चावला…कायमत से कायमत या हिट चित्रपटातून प्रदार्पण करून खूप कमी चित्रपटांमधून दिसणारी…जुही जास्तीत जास्त वेळ तिच्या कुटुंबियांना देते. 1995 मध्ये जुहीने प्रसिद्ध व्यवसायिक जय मेहतासोबत लग्न केले. त्यांना जान्हवी आणि अर्जुन अशी दोन मुले आहेत.

जुहीने नव्वदीच्या दशकात अनेक हिट चित्रपट दिले आहेत. तिला तिच्या अभिनयासाठी अनेक पुरस्काराने देखील सन्मानित करण्यात आले आहे. जुहीच्या अभिनयासोबतच त्याकाळात तिच्या सौंदर्याची चांगलीच चर्चा रंगली होती. तिच्या हास्यावर तर सगळेच फिदा होते.

बॉलिवूडमधील प्रसिद्ध अभिनेता सलमानला देखील जुही प्रचंड आवडायची. त्यानेच ही गोष्ट एका मुलाखतीत सांगितली होती. या अभिनेत्याने जुहीच्या वडिलांकडे लग्नाची मागणी देखील घातली होती. जुहीचे आज लग्न झाले असले तरी हा अभिनेता आजही अविवाहित आहे.

सलमान आणि जुही अनेक वर्षं चित्रपटसृष्टीत कार्यरत आहेत. पण तरीही ते दोघे कधीच कोणत्या चित्रपटात नायक-नायिकेच्या भूमिकेत दिसले नाहीत. गोविंदा, अनिल कपूर आणि जुही चावला यांची मुख्य भूमिका असलेल्या दिवाना मस्ताना या चित्रपटात सलमान पाहुण्या कलाकाराच्या भूमिकेत दिसला होता.

तसेच सलमानच्या बिग बॉस या कार्यक्रमात एकदा जुहीने तिच्या चित्रपटाचे प्रमोशन करण्यासाठी हजेरी लावली होती. ते दोघे कोणत्या चित्रपटात एकत्र झळकणार का याची उत्सुकता अनेक वर्षांपासून त्यांच्या चाहत्यांना लागली आहे.

संबंधित लेख

Leave a Reply

Back to top button