?️त्या महीलेच्या संपर्कातील अठरा जनांची कोरोना चाचणी निगेटिव्ह.
पुणे जिल्हा प्रतिनिधी दत्ता पारेकर
पुणे:इंदापुर तालुक्यातील भिगवण स्टेशन येथील परिसरात एका ६५ वर्षीय महीलेला कोरोनाची लागण झाल्याचे २८ एप्रिल रोजी स्पष्ट झाले होते. या महीलेच्या संपर्कात तीच्या कुटुंबातील मुलगा,सुन व दोन नातवंडे यांसह इतर चोवीस अशा एकूण अठ्ठावीस व्यक्ती आल्या होत्या. त्यापैकी चोवीस व्यक्तीचे स्वॅब घेण्यात आले होते.यापैकी अठरा व्यक्तींचे अहवाल प्राप्त झाले असून त्या सर्व अठरा व्यक्तींची कोरोना चाचणी निगेटिव्ह आली आहे.
मंगळवार दि.२८ एप्रिल रोजी इंदापूर तालुक्यातील भिगवण स्टेशन परिसरात एक ६५ वर्षीय महीला कोरोना पाॅझिटीव्ह आढळली होती. कोरोना मुक्त असणाऱ्या इंदापूर मध्ये कोरोना महाविषाणूने प्रथमच प्रवेश केला होता. त्यामुळे इंदापूर करांची चिंता वाढली होती. या महीलेच्या संपर्कात एकूण २८ व्यक्ती आल्याने नेमके पुढे काय घडणार हा प्रश्न जवळपास सर्वांच्याच चेहऱ्यावर स्पष्ट दिसत होता.
यामध्ये बाधित महीलेच्या कुटुंबातील चार सदस्यांचा समावेश असून हे सर्व कुटुंबीय यांची चाचणी निगेटिव्ह आली आहे. तर सदर महिलेचा उपचारासाठी भिगवण येथील खाजगी आय.सी.ओ. एक डाॅक्टर व लॅबरोटरी मधील पँथालाॅजिस्ट यांसह चौदा व्यक्तींशी संपर्क आला होता. मात्र या सर्वांच्या कोरोना चाचण्या या निगेटिव्ह आल्या आहेत. तर महीलेच्या संपर्कातील आणखी सहा व्यक्तींचे अहवाल अद्याप प्राप्त झाले नसून बारामती मधील एका हाॅस्पीटल मधील चार व्यक्तींना होम काॅरंटाईन करण्यात आले असल्याची माहिती भिगवण प्राथमिक आरोग्य केंद्राचे अधिकारी डॉ. अमित उदावंत यांनी दिली.
प्रशासनानाने या अठ्ठावीस पैकी चोवीस नागरिकांचे स्वॅब घेतले होते. त्याकरिता पुणे येथील औंध मधील शासकिय रूग्णालयात महीलेच्या कुटुंबातील चार सदस्य व इतर सहा सदस्य असे एकूण दहा सदस्यांना पाठवण्यात आले आहे. त्या दहा पैकी कुटुंबातील चार व्यक्तींची कोरोना चाचणी निगेटिव्ह आली आहे. तर उर्वरित चौदा व्यक्तींना बारामती मधील सिल्व्हर जुबली रुग्णालयात कोरंटाईन करण्यात आले आहे.त्यांचे देखील स्वॅब घेण्यात आले होते. याचाही अहवाल प्राप्त झाला असून या सर्व चौदा व्यक्तींची कोरोना चाचणी निगेटिव्ह आली आहे. आता केवळ सहा व्यक्तींचे अहवाल येणे बाकी असल्याचे आरोग्य विभागाकडून सांगण्यात आलेय. त्यामुळे इंदापूर करांना मोठा दिलासा मिळाला आहे.
