? Crime Diary..जळगावात १६ वर्षीय मुलीची गळफास घेऊन आत्महत्या !
रजनीकांत पाटील
जळगाव >> शहरातील रामेश्वर कॉलनी स्वामी समर्थ मंदिराजवळ राहणाऱ्या एका अल्पवयीन मुलीने गळफास घेऊन आत्महत्या केल्याची घटना रविवारी सकाळी उघडकीस आली. या घटनेमागचे कारण स्पष्ट झालेले नाही.
योगिता लिलाधर जयकर (वय १६, रा.स्वामी समर्थ मंदिराजवळ, रामेश्वर कॉलनी) ही कुटुंबियांसह राहत होती. दरम्यान, शनिवारी मध्यरात्री ती घराशेजारील एका रिकाम्या खोलीत आली. त्याठिकाणी तिने गळफास घेऊन आत्महत्या केली.
सकाळी ७.३० वाजता ही बाब कुटुंबियांच्या लक्षात आल्यानंतर त्यांनी योगिताला खाली उतरवुन रुग्णालयामध्ये नेले. परंतु तीचा आधीच मृत्यू झालेला होता. योगिता हिने आत्महत्या का केली? याचे कारण स्पष्ट झालेले नसल्याने एमआयडीसी पोलिस स्टेशनला अकस्मात मृत्यूची नोंद करण्यात आली आहे. योगिताच्या पश्चात आई, मोठी बहिण व लहान भाऊ असा परिवार आहे.
