शासकीय कार्यालयात मोबाईल वापरण्या संदर्भात नियमावली जाहीर..हे आहेत नियम?
मुंबई शासकीय कार्यालयात ड्रेस कोड कसा असावा याचे नियम जारी केल्यानंतर आता मोबाईलचा वापर कसा करायचा या संदर्भात राज्य सरकारने परिपत्रक काढले आहेत. शासकीय कार्यालयात मोबाईलचा उपयोग करताना शिष्टाचार पाळण्यात येत नाही. अशा अनेक तक्रारी करण्यात आल्या होत्या.या मुळे शासनाची प्रतिमा मलिन होत आहे यासाठी परिपत्रक काढून नवीन नियमावली जाहीर करण्यात आली आहे.
वेगाने संवाद साधण्यासाठी दृकश्राव्य माध्यम म्हणून प्रत्येकाच्या हातात मोबाईल असतोच. मोबाईलशिवाय जगणं अशक्य झाले आहे.राज्य सरकारच्या सामान्य प्रशासनाने मोबाईल वापरताय… जरा ‘नियमात’… अशा आशयाचे परिपत्रक काढून राज्य सरकारी कार्यालयातील अधिकारी आणि कर्मचाऱ्यांसाठी मोबाईल वापराबाबत नवा शिष्टाचार आणि नियम घालून दिले आहेत.
हे आहेत नियम…
१.कार्यालयीन कामासाठी दूरध्वनीचा वापर करताना प्राथम्याने कार्यालयातील दूरध्वनीचा (Landline) वापर करावा.
२. कार्यालयीन वेळेत कार्यालयीन कामासाठी आवश्यक असेल तेव्हाच भ्रमणध्वनीचा वापर करावा.
३. भ्रमणध्वनीवर बोलताना सौजन्यपूर्ण भाषेचा वापर करावा. तसेच बोलताना इतरांच्या उपस्थितीची जाणीव ठेवावी.
४. भ्रमणध्वनीवर बोलताना सौम्य आवाजात बोलावे, बोलताना वाद घालू नये आणि असंसदीय भाषेचा वापर करू नये.
५. कार्यालयीन साठी भ्रमणध्वनीचा वापर करताना लघुसंदेशाचा (Text Message) शक्यतो वापर करावा. तसेच मोबाईल फोनवर बोलताना कमीत कमी वेळेत संवाद साधावा.
६. भ्रमणध्वनी व्यस्त असताना प्राप्त लोकप्रतिनिधी / वरिष्ठ अधिकाऱ्यांच्या कार्यालयीन कॉल्सना तात्काळ उत्तर द्यावे.
७. भ्रमणध्वनीवर कार्यालयीन कामकाजासाठी समाज माध्यमांचा वापर करताना वेळेचे व भाषेचे तारतम्य बाळगावे.
८. अत्यावश्यक वैयक्तिक दूरध्वनी, कक्षाचे बाहेर जाऊन घ्यावेत.
९. वरिष्ठ अधिकाऱ्यांच्या कक्षात / बैठकीदरम्यान असताना आपला भ्रमणध्वनी silent / vibrate mode वर ठेवावा. शासन परिपत्रक क्रमांक संकीर्ण २०२१/प्र.क्र.५६/१८ (र.वा.)
१०. वरिष्ठ अधिकाऱ्यांच्या कक्षात / बैठकी दरम्यान भ्रमणध्वनी तपासणे, संदेश तपासणे, ear piece / ear phone वापरणे अशा बाबी टाळाव्यात.
११. कार्यालयीन कामकाजासाठी दौऱ्यावर असताना भ्रमणध्वनी बंद ठेवण्यात येऊ नये.
