इंदापूर येथे शनिवारी महिलांसाठी हळदी कुंकू समारंभ -सौं.गौरी तावरे-थोरात यांची उपस्थिती.
कु.अंकिता पाटील समारंभाच्या अध्यक्ष.
पुणे जिल्हा प्रतिनिधी दत्ता पारेकर
इंदापूर येथे महिलांसाठी हळदी कुंकू, तिळगुळ व वाण वाटप समारंभ शनिवारी (दि.25) दुपारी 12.30 वा. शहा संस्कृती भवन येथे आयोजित करण्यात आला आहे. या कार्यक्रमाला महाराष्ट्र सौंदर्य सम्राज्ञी पुरस्कार प्राप्त गौरी तावरे-थोरात उपस्थित राहणार असून त्यांचे ‘ मी जिजाऊ बोलते ‘ या विषयावर व्याख्यान होणार आहे. या समारंभास अध्यक्ष म्हणून पुणे जि.प. सदस्या कु.अंकिता हर्षवर्धन पाटील उपस्थित राहणार आहेत.
इंदापूर तालुका जिजाऊ महिला बचत गट असोसिएशन, इंदापूर पंचायत समिती व इंदापूर नगरपालिका यांच्या वतीने या कार्यक्रमाचे आयोजन करण्यात आले आहे. या हळदी कुंकू कार्यक्रमास इंदापूर शहर व तालुक्यातील महिला उपस्थित राहणार आहेत. तरी या कार्यक्रमाचा महिलांनी मोठ्या संख्येने लाभ घ्यावा, असे आवाहन इंदापूर पंचायत समितीच्या सभापती पुष्पाताई रेडके व इंदापूर नगरपालिकेच्या नगराध्यक्ष अंकिता शहा यांनी केले आहे.
