संत नरहरी महाराज यांची पुण्यतिथी उत्साहात साजरी
परंडा तालुका प्रतिनिधी सुरेश बागडे
परंडा(सा.वा) दि. ११
दर सालाबादाप्रमाणे श्री संत नरहरी महाराज यांची पुण्यतिथी दि. ११ रोजी परंडा सराफ व सुवर्णकार असोसियन तालुका सोनार समाजाच्या वतीने मोठया उत्साहात साजरी करण्यात आली .
परंडा कल्याणसागर बॅकेजवळ चिंतामणी यांच्या मातोश्री निवास येथे जयंतीचे कार्यक्रम घेण्यात आले या वेळी भजनाचे, किर्तनाचे आयोजन करण्यात आले होते.
श्री संत शिरोमणी नरहरी महाराज यांच्या प्रतिमेची पुजा करुन दुपारी १२ वा.नरहरी मंदिरात पुष्पवृष्टी,गुलाल उधळण्याचा व भजन,भोजननाचा कार्यक्रम उत्साहात पार पडला. ह.भ.प. बालाजी बोराडे महाराजाचेे किर्तन उत्साहात पार पडले. वारकरी मंडळ व सर्व बाल वारकरी वृंदाची टाळ ,ढोल मृदंगाच्या गजरात भव्य कार्यक्रम उत्साहात साजरा केला .
प्रमुख आकर्षन शिवसेना माजी आमदार ज्ञानेश्वर तात्या पाटील यांनी जोरदार भाषण केले तसेच स्नेहा महामुणी ,जानवी भोत्रेकर यांनी संत नरहरी माराजांची प्रतिमा असणारी रांगोळी काढली व सर्वाचे लक्ष वेधुन घेतले यावेळी परंडा सराफ असोसियन मधील सर्व सदस्य भक्त मोठया संख्येने उपस्थित होते.
