माजी मंत्री आ.गिरीष महाजन यांनी उपलब्ध करून दिले जिल्ह्यातील पोलीस, वैद्यकीय अधिकारी, कर्मचाऱ्यांसाठी पीपीई किट, सॅनिटायझर!
३५०० पीपीई किट, ८ हजार लीटर सॅनिटायझर उपलब्ध
जळगाव, दि.२८ – जिल्ह्यात कोरोनाच्या पार्श्वभूमीवर कार्यरत असलेले पोलीस, डॉक्टर, वैद्यकीय अधिकारी, कर्मचारी यांना मुबलक प्रमाणात पीपीई किट उपलब्ध होत नसल्याची बाब लक्षात आल्याने माजी पालकमंत्री आ.गिरीष महाजन यांच्या लक्षात आल्याने त्यांनी तात्काळ जिल्ह्यासाठी पीपीई किट आणि सॅनिटायझर उपलब्ध करून दिले आहे.
मंगळवारी सायंकाळी माजी मंत्री आ.गिरीष महाजन यांचे जळगावातील कार्यालयात जी.एम.फाऊंडेशन येथे ट्रक भरून असलेले साहित्य ३,५०० पीपीई किट आणि ८ हजार लीटर सॅनिटायझर उतरविण्यात आले. यावेळी खा.उन्मेष पाटील, आ.चंदूभाई पटेल, आ.राजुमामा भोळे, महापौर भारती सोनवणे, राष्ट्रीय स्वयंसेवक संघाचे प्रांत कार्यकारणी सदस्य योगेश्वर गर्गे, नगरसेवक कैलास सोनवणे, डॉ.राधेश्याम चौधरी, भगत बालाणी, आबा कापसे, श्रीराम खटोड, अतुलसिंग हाडा, मनोज काळे, अरविंद देशमुख आदी उपस्थित होते.
राष्ट्रीय स्वयंसेवक संघ संचालित निरामय सेवा संस्था, भारतीय जनता पक्ष आणि आ.गिरीष महाजन यांच्या जी.एम.फाऊंडेशनतर्फे जळगाव जिल्ह्यासाठी ३,५०० पीपीई किट आणि ८ हजार लीटर सॅनिटायझर आज उपलब्ध करून देण्यात आले आहे.
*जिल्हाधिकाऱ्यांकडे १५०० किट देणार*
जळगाव जिल्ह्यातील कोरोना रुग्णालय, जिल्हा रुग्णालय यासाठी आवश्यकता असल्याने १५०० पीपीई किट आणि सॅनिटायझर जिल्हाधिकारी डॉ.अविनाश ढाकणे यांच्या स्वाधीन करण्यात येत असल्याची माहिती माजी मंत्री आ.महाजन यांनी दिली आहे.
तसेच उर्वरित सॅनिटायझर गावागावात देणार असून सार्वजनिक ठिकाणी ठेवणार असल्याचे देखील ते म्हणाले.
*उद्याही येणार साहित्य*
आज साहित्य उपलब्ध झाले असून उद्या देखील ५ हजार पीपीई किट, १० हजार लीटर सॅनिटायझर, ५ लाख मास्क येणार असल्याचे आ.महाजन यांनी सांगितले.
