दोनशे मुलांनी पाहिला “तान्हाजी” – जिल्हा परिषद सदस्य मनोज फराकटे यांचा उपक्रम
कोल्हापूर (कागल) तुकाराम पाटील प्रतिनिधी –
सध्या सर्व स्तरातून उस्फूर्त प्रतिसाद मिळत असलेला “ तान्हाजी” हा चित्रपट कुरणी , तालुका कागल, जिल्हा – कोल्हापूर येथील जिल्हा परिषदेच्या शालेय विद्यार्थ्यांना पाहावयास मिळाल्यामुळे विद्यार्थी, पालक व गावकरी यांच्या मधून समाधान प्रतिक्रिया व्यक्त होत आहेत. बिद्री – बोरवडे ता – कागल मतदारसंघातील जिल्हा परिषद सदस्य मनोज फराकटे यांच्या विशेष प्रयत्नातून हे शक्य झाले आहे. तानाजी मालुसरे यांच्या शौर्यगाथे वरील हा चित्रपट आहे.
छत्रपती शिवाजी महाराज आणि त्यांच्या मावळ्यांचा गौरवशाली इतिहास या विद्यार्थ्यांना पाहावयास मिळाला ही संधी मनोज फराकटे यांनी उपलब्ध करून दिले आहे. या शाळेत शिक्षण घेणारे मुले शेतकरी, शेतमजूर व आर्थिक दृष्ट्या कमकुवत कुटुंबातील आहेत त्यांना हा चित्रपट आणि शक्य नव्हते परंतु मनोज फराकटे यांनी स्वखर्चाने हा चित्रपट मुरगुड येथील जय हिंद चित्र मंदिरात दाखविला, यावेळी व्यवस्थापन समितीचे अध्यक्ष विश्वनाथ शेळके, माजी उपसरपंच रघुनाथ भारमल, संजय थोरवत, विलास पाटील, दिनकर पाटील, मुख्याध्यापक कुडवे सर यांच्यासह शाळेचे सर्व शिक्षक व पदाधिकारी उपस्थित होते.
