खा शि च्या निवडणुकीचा बिगुल वाजला..!असा असेल निवडणूक कार्यक्रम..
अमळनेर येथील बहुचर्चित खान्देश शिक्षण संस्थेची निवडणूक कार्यक्रम जाहीर करण्यात आला आहे. अमळनेर तालुक्यात खा शि ची निवडणूक ही अनेक कारणांमुळे चर्चेत असते.ह्या निवडणुकीत मोठ्या प्रमाणात अर्थ कारण निगडित असते.शिवाय जात आणि धर्माची देखील इथे खेळी खेळली जाते.अशी चर्चा सुरू आहे. सदर संस्थेचे सभासद हे अमळनेर तालुक्या बरोबरच संपूर्ण महाराष्ट्रात व परदेशात देखील आहेत.गेल्या काही महिन्यांपूर्वी सदर संस्थेच्या विद्यमान कार्यकरणीचा कार्यकाळ संपला आहे.या पाश्र्वभूमीवर अनेक तक्रारी करण्यात आल्या होत्या. या अनुषंगाने जिल्हाधिकारी कार्यालयातुन अटी शर्तींच्या अधीन राहून निवडणूक घेण्यास परवानगी दिली आहे. आता संस्थेचे अध्यक्ष अनिल कदम व चिटणीस प्रा. जैन यांनी जाहीर केलेल्या नोटीसीत एक अध्यक्ष, दोन उपाध्यक्ष, एक विश्वस्त, आठ सदस्य या जागांसाठी निवडणूक कार्यक्रम जाहीर केला आहे. यात
28 नोव्हेंबर -मतदार यादीवर हरकत नोंदवणे,
10 डिसेंबर- अंतिम मतदार यादी प्रसिद्ध
1 ते 4 जानेवारी – उमेदवारी अर्ज
8 जानेवारी- अर्ज मागे घेण्याची अंतिम तारीख
23 जानेवारी- रोजी मतदान
24 जानेवारी- मतमोजणी
30 जानेवारी – निकाल
असा कार्यक्रम असणार आहे.
