भित्तिचित्रे योग्य त्या ठिकाणी लावुन महापुरुषांचा अवमान होणार नाही यासाठी अमळनेर रेल्वे स्टेशन प्रबंधक यांना निवेदन
भारत सरकारकडून रेल्वे स्टेशन सुशोभिकरनासाठी अनेक वेगवेगळे प्रयोग केले जात आहेत त्यात त्यांचा हेतू अगदी शुद्ध असला तरी काही पावल मात्र विचार करून उचलावीत असाच एक प्रत्यय अमळनेर रेल्वे स्थानकावर पहावयास मिळाला आहे.
अमळनेर रेल्वे स्थानकाच्या फलाट क्रमांक एक वर रेल्वेच्या भिंतीवर चित्र रेखाटण्यात आलेले आहे त्यात वेगवेगळे नकाशे आकृत्या रेखाटल्या जात आहे आणि त्यामधे महाराष्ट्राचे आराध्य दैवत छत्रपती शिवाजी महाराज यांचा सुद्धा फोटो रेखाटण्यात आला मात्र या ठिकाणी काही विकृत लोकांनी गुटखा खाऊन थुंकणे भिंतीला लाथ लावून उभे राहणे असे प्रकार घडण्याची शक्यता नाकारता येत नाही म्हणून अमळनेरातील शिवप्रेमी बांधवांनी हे भित्तिचित्रे आहे त्या ठिकानाहून काढून पुनश्च योग्य त्या यथोचित ठिकाणी लावावी आशा आशयाचे निवेदन अमळनेर रेल्वे स्थानकाचे प्रबंधक यांना दिले.
या निवेदनावर माजी सैनिक राजेंद्र यादव, रमेश काळे, शंकर चव्हाण, संतोष शिंदे, पंकज उबाळे, महावीर मोरे, शुभम पवार, पत्रकार सचिन चव्हाण, सामाजिक कार्यकर्ते इकबाल पठाण, मुकेश परदेशी, श्रीकृष्ण मित्र मंडळाचे सदस्य जितेंद्र हगवणे, प्रशांत गायकवाड आदी यांच्या सह्या होत्या.
