Amalner: अल्पवयीन मुलीला फसवून पळवून अत्याचार करणाऱ्यास अटक..!
अमळनेर तालुक्यातील कळमसरे येथील अल्पवयीन मुलीला फूस लावून पळवून नेऊन अत्याचार करणाऱ्या युवकाविरुद्ध मारवड पोलीस ठाण्यात पोस्को सह अनुसूचित जाती जमाती कायद्यासह गुन्हा दाखल करण्यात आला असून सदर आरोपीस ताब्यात घेण्यात आले आहे.
याबाबत सविस्तर माहिती अशी की, कळमसरे येथील अनुसूचित जमातीच्या कुटुंबातील १६ वर्षे १० महिने वयाच्या अल्पवयीन मुलीला दिनांक ५ रोजी फूस लावून पळवून नेल्याने मारवड पोलीस ठाण्यात मुलीच्या आईने दिलेल्या माहितीवरून गुन्हा दाखल करण्यात आला होता,तीन दिवसांत मारवड पोलिसांनी मुलीला शोधून काढले, तीस जळगाव येथील सुधारगृहात रवानगी केली होती, तेथे पीडित मुलीने सांगितलेल्या घटना क्रमानुसार उपविभागीय अधिकारी राकेश जाधव आणि एपीआय जयेश खलाने यांनी तपास करून अमळनेर येथील तरुणाला ताब्यात घेतले आहे.तपासा अंती आज दिनांक १० रोजी मारवड पोलीस
ठाण्यात आरोपी निखिल संतोष चौधरी (वय २०, राहणार बाहेरपुरा अमळनेर) यांच्याविरोधात अल्पवयीन मुलीला कुटुंबीयांच्या रखवलीतून फूस लावून पळवून नेत अत्याचार केल्या प्रकरणी तसेच बालकांचे लैंगिक अपराधापासून संरक्षण कायद्याचे कलम व अनुसूचित जाती जमाती अधिनियम १९८९ च्या कलमान्वये गुन्हा दाखल केला असून आरोपीस अटक केली आहे, त्यास सायंकाळी अमळनेर जिल्हा न्यायालयात हजर केले.न्यायालयाने त्याची पोलीस कोठडीत रवानगी केली आहे. पुढील तपास उपविभागीय पोलीस अधिकारी राकेश जाधव हे करीत आहेत.
