Jalgaon

?️ राजकीय रणधुमाळी….जिल्ह्याचे राजकारण तापले….माजी मंत्री एकनाथ खडसे यांची आयपीएल च्या आधी तुफान फटकेबाजी….

?️ राजकीय रणधुमाळी….जिल्ह्याचे राजकारण तापले….माजी मंत्री एकनाथ खडसे यांची आयपीएल च्या आधी तुफान फटकेबाजी….

जळगाव

भाजप नेते एकनाथ खडसे यांनी पुन्हा एकदा भाजपच्या नेत्यांवर हल्लाबोल केला आहे. मी मुख्यमंत्री पदाचा योग्य आणि सर्वात जास्त पसंतीचा दावेदार असल्यामुळे च माझ्या वर अन्याय झाला अशी तिखट आणि स्पष्ट प्रतिक्रिया एकनाथ खडसे यांनी केली आहे.पक्षात झालेल्या अन्यायाविरुद्ध मी पुस्तक लिहिणार आहे आणि त्यात माझ्यावर पक्षाने केलेल्या अन्याया बद्दल देखील स्पष्ट लिहिणार आहे अशी घोषणाही त्यांनी केली.’नानासाहेब फडणवीसांचे बारभाई कारस्थान असे पुस्तकाचे नाव असेल असेही ते म्हणाले.

माझ्यावर ज्या हॅकर मनिष भंगाळे याने आरोप केले त्याला तत्कालीन मुख्यमंत्री देवेंद्र फडणवीस हे का भेटले? या प्रश्नाचे उत्तर आजही मला मिळाले नाही. विधानसभा निवडणुकीत ज्येष्ठ नेत्यांच्या तिकिट काटछाटचे राजकारण केल्या मुळेच भाजप सत्तेत येऊ शकले नाही. अशा कडक शब्दांत माजी मंत्री एकनाथ खडसे यांनी विरोधी पक्षनेते देवेंद्र फडणवीसांचा समाचार घेतला आहे.

मुक्ताईनगर येथील आपल्या निवासस्थानी बोलताना खडसे यांनी माजी मुख्यमंत्री देवेंद्र फडणवीस तसेच भाजप सरकारमधील तत्कालीन मंत्र्यांबाबत गंभीर स्वरूपाचे आरोप करत आपल्याकडे पुरावे असल्याचे सांगितले आहे. मुख्यमंत्रिपदाचा सक्षम दावेदार असल्यानेच माझ्यावर अन्याय झाला आहे. त्याकाळात मुख्यमंत्रिपदाचा मी दावेदार आहे, हे लक्षात आल्यानंतर एक षडयंत्र रचलं गेलं. माझ्या चाळीस वर्षाच्या राजकीय काळात एकही आरोप झालेला नसताना सरकार आल्यानंतर अवघ्या वर्षभरातच माझ्यावर एका मागून एक आरोप करण्यात आले. हा त्या षडयंत्राचाच भाग होता’, असा दावा खडसे यांनी केला.

मी पुन्हा येईन म्हणणारा आलाच नाही..!

कोण कोणाला केंव्हा भेटत होते सर्व व्हिडिओ क्लिप द्वारे पुरावे असल्याचा दावा त्यांनी केला आहे.मुख्यमंत्रिपदाला कुणी आडवे येवू नये म्हणूनच हे उद्योग केले गेले असा आरोप देखील खडसे यांनी केला. या सर्व प्रकाराचे पुरावे माझ्याकडे आहेत, या सत्य व पुराव्याच्या आधारे मी एक पुस्तक लिहिणार आहे. त्याचे नाव ‘नानासाहेब फडणवीसांचे बारभाई कारस्थान’ असे असणार असल्याचेही खडसे म्हणाले.

संबंधित लेख

Leave a Reply

Back to top button