सरकारी जमिनीतील अवैध मुरुम उपसा कोपरे ग्रामस्थांनी बंद पाडला,टाकळी-कोपरे गावात संघर्षाची ठिणगी पेटली
अहमदनगर जिल्ह्यातील पाथर्डी तालुक्यातील कोपरे मध्यम प्रकल्प शासनाने रद्द केला आहे.शासनाने संपादित ,केलेल्या जमिनीतून अवैध मुरुम उपसा सुरु आहे असे कोपरे ग्रामस्थांचे म्हणणे आहे, तर मुरूम उपसा करणारे हनुमान टाकळी ग्रामस्थांचे म्हणणे आहे की आम्ही महसूल विभागाच्या अधिकाऱ्यांकडे राँयल्टी भरली आहे यामुळे दोन गावातील ग्रामस्थांमध्ये तीव्र संघर्ष निर्माण झाला असुन मुरुम वाहतूकी मुळे दोन्हीही गावात लुटुपुटूची लढाई होण्याची शक्यता निर्माण झाली आहे. पाथर्डी तहसील कार्यालयातील सावळ्या गोंधळामुळे दोन्ही गावात प्रचंड प्रमाणात तणाव निर्माण झाला आहे.पाथर्डी तहसीलदार कार्यालयातील नायब तहसिलदार नेवसे साहेब यांना घटना स्थळावर बोलावण्यात आले होते परंतु ते न आल्यामुळे तणावाचे वातावरण निर्माण झाले आहे. पाथर्डी चे तहसीलदार नामदेवराव पाटील साहेब यांनी या प्रकरणात लक्ष घालून वादग्रस्त जागेवरच्या अवैध मुरुम वाहतुकीस बंदी घालावी अशी कोपरे ग्रामस्थांची मागणी आहे. अवैध मुरूम उपसा न थांबल्यास जिल्हा धिकारी कार्यालया समोर उपोषणास बसन्याचा ईशारा कोपरे ग्रामस्थांनी दिला आहे.कोपरे ग्रामस्थांच्या वतीने राहुल आव्हाड, प्रविण खंबायत,सुनिल आव्हाड, जनार्दन ससाणे, तुकाराम ढाकणे, निलेश आव्हाड, उमेश आव्हाड, अंकुश आव्हाड, माजी सरपंच रमेश आव्हाड यांनी या प्रकरणात महसूल खात्याचे लक्ष वेधले आहे.
