आरोग्याचा मुलमंत्र..गुणकारी आवळा
आवळ्यामध्ये अँटीहायपोग्लायसेमिक आणि लिपीड कमी करणारे गुण आढळतात. तसंच आवळा पावडरमध्ये असणारे गुण हे मधुमेह नियंत्रणात आणण्यासाठी फायदेशीर ठरतात. रोज आवळ्याची पावडर सेवन केल्याने रक्तातील असलेला ग्लुकोजचा स्तर कमी करण्यासाठी तुम्हाला उपयोग करून घेता येतो.
वजन कमी करण्या साठी फायदेशीर :-
आवळ्यामध्ये एथेनॉलिक नावाचे तत्व आढळते. यामध्ये अँटीहायपरलिपिडेममिक (चरबी कमी करणारे) आणि अँटिऑक्सिडंट्स गुण आढळतात. यामुळे आवळ्याच्या पावडरच्या सेवनाने तुमचे वजन वाढत असेल तर ते नियंत्रणात येण्यास मदत मिळते. तसंच अतिरिक्त चरबी आवळा शरीरामध्ये जमू देत नाही. चयापचयाची क्रिया तुम्हाला व्यवस्थित करण्यासाठी आवळा पावडरचा उपयोग होतो. तुम्ही नियमित कोमट पाण्यातून आवळा पावडर मिक्स करून प्यायल्यास तुमचा पचनक्रियेचा त्रास नक्कीच दूर होतो. तसंच वजनही नियंत्रणात राहते.
पचणासाठी फायदेशीर :–
आवळ्याला एक आदर्श फळच म्हटले जाते. कारण यामध्ये अनेक गुण असून शरीरासाठी याचे अनेक फायदे होतात. सर्वात महत्त्वाचा फायदा म्हणजे पचनक्रिया उत्तम होते. पचनक्रिया उत्तम झाली तर आपोआपच वजन कमी होण्यास सुरूवात होते. वास्तविक यामध्ये फायबरचे प्रमाण चांगले असल्यामुळे त्रास कमी होतो. फायबर पचनक्रिया चांगली करण्यास आणि बद्धकोष्ठासंबंधी त्रास कमी करण्यास मदत करते. त्यामुळे आवळ्याच्या पावडरमुळे पचनक्रिया उत्तम होऊन अन्य त्रासापासून सुटका मिळते.
यकृत आजारात फायदेशीर :-
अनेक अँटिबायोटिक आणि औषधांच्या गोळ्या अथवा सतत दारूचे सेवन हे लिव्हरमध्ये विषारी पदार्थांचे निर्माण करते. पण तुम्ही नियमित आवळा पावडरचा समावेश आपल्या आहारात करून घेतला तर शरीरातील विषारी पदार्थ बाहेर काढून टाकण्यासाठी याचा उपयोग होतो. तसंच तुमचे लिव्हर निरोगी ठेवण्यासाठी याची मदत मिळते.
हाडांसाठी फायदेशीर:-
आवळ्याच्या पावडरमध्ये कॅल्शियमचे प्रमाणा नैसर्गिकरित्या अधिक असते. हा कॅल्शियमचा चांगला नैसर्गिक स्रोत आहे. कॅल्शियम हाडांना मजबूती देते आणि कमजोर होऊ देत नाही. कॅल्शिमय कमी असेल तर हाडं खिळखिळी होतात आणि त्यात जोर राहात नाही. तसंच हाडं तुटण्याचाही धोका असतो. पण आवळ्याच्या पावडरच्या सेवनाने तुम्हाला हाडांचा अधिक चांगला विकास करता येतो आणि अन्य कोणत्याही गोष्टीची मदत घ्यावी लागत नाही. याचा तुम्ही नियमित वापर करून हाडे मजबूत करून घेऊ शकता. तसंच याचे योग्य प्रमाणात सेवन करावे. जेणेकरून तुम्हाला कोणताही त्रास होणार नाही.
हृदय आजारण मध्ये फायदेशीर:-
एका शोधामध्ये सांगितल्यानुसार आवळ्याची पावडर हृदय निरोगी राखण्यास मदत करते. याशिवाय याचा उपयोग हायपोलिपिडेमिक एजंट स्वरूपातही होतो. यामुळे रक्तदाबासारख्या रोगांशी लढा देणे सोपे होते आणि कोरोनरी आर्टरी डिसीज अर्थात धमन्यांच्या रोगाविरोधात सुरक्षा मिळते. यामुळे हृदय रोगापासून तुम्हाला दूर राहता येते आणि हृदयाची काळजीही अधिक चांगल्या पद्धतीने घेता येते
डॉ किशोर बाळासाहेब झुटे पाटील
( होमिओपॅथीक तज्ञ )
