नागरिकांनी सतर्क राहून लक्षणे असल्यास टेस्ट करणे गरजेचे- डॉ आदित्य निकम
उदय वायकोळे चांदवड
चांदवड : चांदवड शहरात सध्या कोरोना पेशंट संख्या वाढत असल्याचे चित्र दिसत आहे. प्रशासनाने कडक निर्बंध करूनही काही ठिकाणी मास्क व सॅनिटायझर चा वापर नागरिक करत नसून कोरोनाच्या आजाराचे पसरण्याचे गांभीर्य अजूनही काही नागरिक घेत नाहीत यामुळेच रुग्णसंख्या वाढत आहे.
याबाबत उपजिल्हा रुग्णालयातील कोविड सेंटर चे डॉ आदित्य निकम यांचेशी आमच्या प्रतिनिधींनी चर्चा केली असता त्यांनी सांगितले की नागरिकांनी सतर्क राहून लक्षणे दिसताच तातडीने कोविड तपासणी करणे गरजेचे आहे,तसेच घरातून बाहेर पडल्यानंतर मास्क व सॅनिटायझर चा वापर करणे आवश्यक आहे परंतु दुर्लक्ष केल्याने दिवसेंदिवस पॉझिटिव्ह रुग्णसंख्या वाढत आहे.सर्वच रुग्णालयांमध्ये बेड संख्या मर्यादित असल्याने पुढील चित्र ओळखून शासकीय नियमांचे पालन नागरिकांनी करणे गरजेचे आहे असे डॉ निकम यांनी सांगितले.
