नागपुर जिल्ह्यातील तीन शिक्षकांना राज्य आदर्श शिक्षक पुरस्कार जाहीर 
नागपुर – प्रतिनिधी अनिल पवार
जिल्ह्यातील तीन शिक्षकांना ‘राज्य आदर्श शिक्षक’ पुरस्कार जाहीर झाला आहे. यात प्राथमिक गटात राजुलवाडी (ता. उमरेड ) जि़प़ …
चांपा ता २९: – समाजाची निस्वार्थ भावाने आणि निष्ठेने सेवा करणाऱ्या व शैक्षणिक क्षेत्रात उत्कृष्ट काम करणाऱ्या शिक्षकांना त्यांच्या अंगीकृत कामात प्रोत्साहन देण्याचा व त्यांच्या गुणांचा यथोचित सन्मान करण्याच्या उद्देशाने शिक्षक पुरस्कार दरवर्षी जाहिर करतात यात नागपुर जिल्ह्यातील तीन शिक्षकांना ‘राज्य आदर्श शिक्षक’ पुरस्कार जाहीर झाला आहे. यात प्राथमिक गटात राजुलवाडी (ता. उमरेड ) जि़प़ शाळेचे शिक्षक सहा.शिक्षक बळीराम दादाजी चापले तर रामटेक तालुक्यातील प्राथमिक शाळा कांद्रि मनोहर येथील सहा .शिक्षक भास्कर जांभुळकर , माध्यमिक गटात श्री मोहनलाल रूधवानी सिंधी हिन्दी बॉईज हायस्कूल नागपुर येथील सहा .शिक्षिका चित्रा मुजूमदार यांचा समावेश आहे.
सन २०१८-१९च्या राज्य आदर्श शिक्षक पुरस्कारासाठी शासनाने शालेय शिक्षण व क्रीडा विभाग स्तरावर १०७शिक्षकांची निवड केलेली असून त्यामध्ये ३७प्राथमिक शिक्षक , ३९माध्यमिक शिक्षक , १८आदिवासी क्षेत्रात उत्कृष्ट काम करणारे प्राथमिक शिक्षक , ८सावित्रीबाई फुले आदर्श शिक्षिका , २विशेष शिक्षक (कला/ क्रीडा )व १अपंग शिक्षक / व १अपंग विद्यार्थ्यांच्या शाळेतील शिक्षक
शासनाने प्राथमिक , माध्यमिक आणि विशेष शिक्षक , आदिवासी विभागातील प्राथमिक शिक्षक तसेच सावित्रीबाई फुले आदर्श स्त्री शिक्षिका यांना राज्य आदर्श शिक्षक पुरस्कार सन २०१८-१९ पुरस्कारासाठी १०७ शिक्षकांची निवड केली आहेत .
या शिक्षकांना प्रत्येकी १लाख रुपये पुरस्कारादाखल देण्यात येतील. पुरस्कार वितरण सोहळा ५ सप्टेंबर रोजी बांद्रा येथील रंगशारदा सभागृहात होईल.
या पुरस्कारासाठी आॅनलाईन अर्ज मागविण्यात आले होते़ अर्ज भरलेल्या शिक्षकांना नाशिक येथे बोलविण्यात आले व त्यातील काही शिक्षकांची निवड करून पुणे येथे मुलाखतीसाठी पाठविण्यात आले होते़ त्यातून ही निवड करण्यात आली.
