नाशिक स्थित अमळनेर पोंलीस उपविभागीय अधिकारी राजेन्द्र ससाणे यांचा अपघाती मृत्यू, नाशिक पोलीस दलात हळहळ,
नाशिक शांताराम दुनबळे
नाशिक-:नाशिक जिल्ह्यातील व चांदवड तालुक्यातील वडाळीभोई नजीक झालेल्या अपघातात अमळनेरचे उपविभागीय पोलीस अधिकारी राजेंद्र ससाणे यांचा अपघाती मृत्यू झाल्याची दुर्दैवी घटना घडली . आज दुपारी ते नाशिक येथील आपल्या घरी त्यांच्या चारचाकी वाहनाने परतत असताना काळाने त्यांच्यावर घाला घातला . पोलीस उपअधीक्षक राजेन्द्र ससाणे दोन दिवस सुट्टीच्या निमित्ताने नाशिक येथे घरी परतत होते . याच वेळी सोग्रस पार करून त्यांचे वाहन वडाळीभोईच्या नजीक आले असताना अचानक त्यांचे गाडीवरील नियंत्रण सुटल्यामुळे गाडी रस्त्याच्या कडेला असलेल्या नाल्यात उलटली . वाहनाचा वेग अधिक असल्यामुळे गाडीचा चेंदामेंदा झाला आहे . तर ससाणे यांचा या घटनेत दुर्दैवी मृत्यू झाला ससाणे यांच्या अपघाती मृत्यूमुळे ग्रामीण पोलीस दलात हळहळ व्यक्त केली जात आहे . अपघात स्थळावरून ओळखीच्या व्यक्तीकडून याबाबतची माहिती माने गोक्षेत्र प्रतिष्ठानचे चेतन शाह यांना समजली . पोलीस उपअधीक्षक ससाणे अत्यंत सालस स्वभावाचे होते . त्यांच्या अचानक जाण्यानी सर्वत्र हळहळ व्यक्ती केली जात आहे .