हनुमान जयंती उत्सवाची 51 हजाराची रक्कम मुख्यमंत्री सहायता निधीला , ढकांबे ग्रामस्थांचा निर्णय
प्रतिनिधी सुनिल घुमरे
दिंडोरी तालूक्यातील ढकांबे ग्रामस्थांनी हनुमान जयंती उत्सवाचा खर्च कोरोनाच्या पार्श्वभूमीवर प्रधानमंञी सहाय्यता निधीत जमा करीत आदर्शवत कार्य केले असून ,नागरिकांनी स्वतःहून पुढाकार घेऊन कोरोना सारख्या महामारीवर प्रतिबंध करण्यासाठी सढळ हाताने मदत करावी असा संदेश दिला आहे.
कोरोनाचा प्रादुर्भाव दिवसेंदिवस वाढत चालला असून, प्रतिबंधक उपाय योजनासाठी केंद्र व राज्य शासनस्तरावर, सर्वतोपरी प्रयत्न करण्यात येत आहे. मदतनिधी मध्ये आपलाही खारीचा वाटा म्हणून जमा व्हावा या उदात्त हेतुने दिंडोरी तालूक्यातील ढकांबे येथील ग्रामस्थांनी सालाबाद प्रमाणे हनुमान जयंती उत्सवात होणारा खर्चाला फाटा देत पंतप्रधान सहाय्यता निधीसाठी 51 हजार रूपयांचा धनादेश प्रांताधिकारी डॉ संदिप आहेर यांच्याकडे सुपूर्द करून आदर्शवत कार्य केले आहे.
सामाजिक बांधिलकी जपत अनेक स्वयंसेवी संस्था, दानशुर व्यक्ती, विविध सामाजिक उपक्रमातून कोरोनावर प्रतिबंध करण्यासाठी मदतीसाठी पुढे येत असून, अर्थसहाय्य करून मदतीचा हात पुढे करत आहे. याकामी ग्रामीण भागातील नागरिक देखील आले असल्याचे ढकांबे वासियांनी दाखवून दिले आहे.
फोटो -दिंडोरी-तालूक्यातील ढकांबे येथील ग्रामस्थांनी सालाबाद प्रमाणे साजरा होणारा हनुमान जयंती उत्सव कोरोनाच्या पार्श्वभूमी रद्द करून, 51हजार रूपयाचा निधी कोरोनाचा प्रतिबंध करण्यासाठी प्रधानमंञी सहाय्यता निधीसाठी जमा करून प्रांताधिकारी डॉ संदिप आहेर यांच्या कडे सुपूर्द केला.
