सहा विभागीय अधिकार्‍यांकडून चौकशी अहवाल मागविल्याने 26 जानेवारी चे उपोषणाला तूर्तास स्थगिती! नगरसेविका – नंदाबाई लोखंडे.
युसूफ शाह सावदा
सावदा : येथील नगरपालिकेतील आरोग्य अधिकारी व आरोग्य विभागाचे प्रमुख म्हणून काम केलेले, महेश चौधरी यांनी केलेल्या विविध कामांची चौकशी करण्याची तक्रार नगरसेविका नंदाबाई लोखंडे यांनी मुख्याधिकारी सौरभ जोशी यांचे कडे लेखी केली आहे. चौकशी न केल्यास येत्या 26 जानेवारी रोजी जिल्हाधिकारी कार्यालयासमोर उपोषणाला बसण्याचा इशारा त्यांनी दिल्याने शहरात व पालिका वर्गात एकच खळबळ उडाली आहे. परिणामी सत्ताधारी गटातून आणि अधिकारीगटातून लोखंडे यांची उपोषणाला बसू नये म्हणून मनधरणी करावी लागली. अखेर मुख्याधिकारी यांच्या लेखी पत्राद्वारे संबधित विविध विभागांचे अधिकार्‍यांचे चौकशी अहवाल मागविल्याचे लेखी पत्र दिल्याने येत्या 26 जानेवारी रोजी जिल्हाधिकारी कार्यालयासमोर उपोषणाला बसण्याचा इराद्यास तूर्तास स्थगित करण्याचे लोखंडे यांनी लेखी पत्राद्वारे कळविले आहे.
पालिकेकडून मिळालेल्या पत्रात म्हटले आहे की, आरोग्य निरीक्षक महेश चौधरी यांनी केलेल्या विविध कामांची चौकशी करण्यासाठी सदरील कामाची अभिलेखावरून, चौकशी करण्यासाठी संबंधित विभागाच्या सहा अधिकार्‍यांकडून सात दिवसात अहवाल मागविल्याचे नमूद केले आहे. अहवाल प्राप्त झाल्यानंतर आपणास तक्रारीबाबत कळविण्यात येईल. तरी आपण 26 जानेवारी रोजीचे उपोषणाला बसू नये. यासाठी कार्यालय अधीक्षक, लेखापाल, अंतर्गत लेखापरीक्षक, कनिष्ठ अभियंता यांत्रिकी, नगर अभियंता स्थापत्य व करनिरीक्षक यांचे कडून सात दिवसांत अहवाल सादर करण्याचे आदेश दिलेले आहेत. त्यामुळे 26 जानेवारी रोजी जिल्हाधिकारी कार्यालयासमोर उपोषणाला बसण्याचे तूर्तास स्थगित करण्यात आल्याचे नंदाबाई लोखंडे यांनी कळविले आहे. नगरपालिकेत वाचमन पदावर लागल्या पासून, इतर जेष्ठ कर्मचारी असतांना 2-3 वेळा पदोन्नती कशी देण्यात आली? ते 60%टक्के पेक्षा जास्त दिव्यांग असून नोकरीत लागले पासून, आजपर्यंत किती प्रवास भत्ता घेतला आहे.? जर नियमांचे उल्लंघन करून भत्ता घेतला असेल तर तो त्यांचेकडून वसुल करण्यात यावा. चौधरी यांनी न पा हद्दीतील मालमत्ता धारकांच्या घरी सौच्यालय असताना, सौच्यालय बांधण्यासाठी अनुदान दिल्या ची चौकशी करावी. सन 2011-2012 संपूर्ण वर्षभरात झालेला डिझेल खर्च किती? तसेच सन 2011 – 2012 मध्ये न पा हद्दीत सफाई व्हॅक्यूम च्या किती पावत्या फाडलेल्या आहेत? त्यावर डिझेल साठी झालेला खर्च किती आहे? यासर्व प्रकाराची लवकरात लवकर सखोल चौकशी करून दोषींवर कारवाई करावी. अन्यथा येत्या गणतंत्र दिनाला 26 जानेवारी रोजी जिल्हाधिकारी कार्यालयासमोर उपोषणाला बसणार असल्याचे नगरसेविका नंदाबाई लोखंडे यांनी तक्रारीत म्हटले आहे. सखोल चौकशी न केल्यास कोणत्याही दिवशी जिल्हाधिकारी कार्यालयासमोर उपोषणाला बसणार असल्याचे त्यांनी कळविले आहे.
