शेकऱ्याची फसवणूक करणार्यांवर कडक कारवाई करण्यात येणार
प्रतिनिधी मनोज भोसले
चाळीसगाव येथील शेतकी संघात शेतकऱ्यांच्या नावाने व्यापाऱ्यांच्या मका, ज्वारी, हरभरा विकला जात होता याची मला माहिती मिळाली होती, यामुळे खरे शेतकरी बाजूला राहून शेतकी संघाचे काही पदाधिकारी यांच्या संगनमताने काही मोजके व्यापारी हे आपला शेतीमाल विकत होते. दोनच दिवसांपूर्वी याबाबत मी राज्याचे पणनमंत्री बाळासाहेब पाटील यांच्यासह जळगाव जिल्ह्याचे पालकमंत्री, जिल्हाधिकारी यांना सविस्तर पत्र देऊन खऱ्या शेतकऱ्यांचा शेतात पडून असलेला शेतीमाल तात्काळ खरेदी करण्यात यावा अशी विनंती केली होती. मात्र याबाबत काहीही कार्यवाही होत नसल्याने आज मला मिळालेल्या माहितीनुसार चाळीसगाव कृषी उत्पन्न बाजार समितीतून एका व्यापाऱ्याचा हरभरा विक्रीसाठी शेतकी संघात येत असल्याचे कळाले. एकीकडे सुट्ट्या आणि पावसाचे कारण दाखवून कापूस व मका खरेदी बंद केली जाते मात्र दुसरीकडे रविवारी सुट्टी असूनही व्यापाऱ्यांचा माल खरेदी केला जात असल्याचा गंभीर प्रकार माझ्या लक्षात आला. जवळपास २ मोठ्या वाहनांमध्ये १०० क्विंटल हुन अधिक हरभरा त्याठिकाणी मोजला जात होता. याबाबत जिल्हा मार्केटिंग अधिकारी, तहसिलदार व पोलीस प्रशासन यांना कळवून या प्रकरणी जे जे कुणी दोषी असतील त्यांच्यावर कारवाई करण्याचा सूचना दिल्या. यात जे कुणी शेतकऱ्यांच्या टाळूवरचे लोणी खाणारे सहभागी असतील त्यांची गाय केली जाणार नाही – आमदार मंगेश चव्हाण
