#ठोस_प्रहार Review…
हिरामंडी #Hiramandi-The Diamond Bazar…. नुकतीच संजय लीला भन्साळी यांनी दिग्दर्शित केलेली हिरामंडी ही वेब सिरीज Nerflix या OTT प्लॅटफॉर्म वर पाहिली… भव्य दिव्य सेट, ब्रिटिश कालीन शहरे, गावे, राष्ट्रीय, सामाजिक जीवन परिस्थिती, उर्दू भाषा, उत्तम वेशभूषा, ब्रिटिश काळातील लहान लहान तपशील उदा. स्ट्रीट लाईट, बग्गी (घोडागाडी), रस्ते, लायब्ररी, सिनेमाटोग्राफी, बॅकग्राऊंड म्यूझिक, पंजाबी भाषा बोलणारे शाही नोकर, आलिशान घरे, संगीत इ. मुळे प्रत्येक सिन ब्रिटिश काळात घेवून जातो. संजय लीला भन्साळी त्यांच्या सूक्ष्म निरीक्षण,ऐतिहासिक पार्श्वभूमी, परंपरा, बारीक सारीक तपशील, संगीत, मनाला भावणार सत्य कथानक आणि तगडी स्टारकास्ट यासाठी प्रसिद्ध आहेत. या वेब सिरीज मध्ये देखील या सर्व बाबी पहावयास मिळतात. तर कथा आहे एका सत्य घटनेवर आधारित असून ब्रिटिशकाळात किंवा त्या आधीच्या कालखंडात समाजात अस्तित्वात असलेल्या तवायफ किंवा गणिका यांच्या जीवनाचा खरा चेहरा या वेब सिरीज मधून समोर येतो. अय्याश, चैनी खोर, संपत्ती, रुतुबा चा माज असलेले नवाब, राजे रजवाडे आणि दुसऱ्या बाजूला स्वाभिमानी, स्वतंत्र गणिका …. स्त्री सामर्थ्य, लैंगिक शोषण, खोटं प्रेम, नाटक, शक्ती ह्या स्त्रियांच्या विविध पैलूंवर ही मालिका प्रकाश टाकते. गणीकांचा संघर्ष, जीवन, नाते संबंध, त्यांची भाषा, तहजिब, रीवाज इ चे उत्तम चित्रण…. तवायफ किंवा गणिका त्यांचे लैंगिक जीवन यावर भाष्य करणारे कथानक… अगदी ओरिजिनल स्त्रीवादी कथानक आणि सिरीज… मोईन बेग ह्या सत्य पात्रावर आधारित.. मोईन बेग चे पात्र करणारा उस्तादजी.. कलाकार इंद्रेश मलिक यांच्या खास भूमिकेचे कौतुक होत आहे. ह्या सिरीज मधील आदिती हैदर राव ची बिब्बोजान ही भूमिका लक्षवेधी आहे.असे अनेक इतिहासाच्या पानात गडप झालेले स्वातंत्र्य चळवळीतील हिरे आहेत की जे कधीच ह्या पानांमध्ये चमकले नाहीत.स्वतः एका सोनाच्या पिंजऱ्यात राहणाऱ्या पण तरीही देशाच्या स्वातंत्र्यासाठी बलिदान देणाऱ्या अश्या गणिकाही होत्या.त्यांचं समर्पण कोणालाच समजल नाही ती कथा आणि तो क्लायमॅक्स निच्छितच अंगावर काटा आणणारा आहे. मनीषा कोईराला मल्लिकाजानचा जबरदस्त अभिनय… एका सीन साठी मनीषा कोईराला बसली एकाच जागेवर 7 तास…. कॅन्सर सारखा आजार असूनही लीड रोल मध्ये जबरदस्त मेहनत घेतली. संजिदा शेख वहिदा जान देखील भाव खाऊन गेली आहे… रीचा चड्डा लज्जोजानची भूमिका खोट्या प्रेमाचं वास्तव चित्रण उत्तम अभिनय… एकंदरीत लैंगिक जीवन असूनही कुठे ही इतर वेब सिरीज सारख अश्लीलपणा नाही… भाषा देखील अश्लील नाही.. तर एकदा पहावीच अशी वेब सिरीज…
हीरामंडी : डायमंड बाजार
दिग्दर्शक : संजय लीला भन्साळी
कलाकार: मनीषा कोईराला, सोनाक्षी सिन्हा, अदिती राव हैदरी, संजीदा शेख, रिचा चढ्ढा, फरदीन खान, ताहा शाह बदुशा, शर्मीन सेगल, शेखर सुमन, अध्यायन सुमन
प्रकाशन तारीख: मे 1, 2024
यावर उपलब्ध: Netflix
