गर्दी टाळून शक्यतो प्रतीकात्मक कुर्बानी करावी डॉ शितल के शहा
प्रतिनिधी रफीक आत्तार
पंढरपूर शहरांमधील कोरोना विषाणूचा वाढत चाललेला प्रादुर्भाव व रुग्णसंख्या विचारात घेता येत्या 1 ऑगस्ट रोजी साजरी करण्यात येत असलेल्या बकरी ईद या सणाच्या पार्श्वभूमिवर शासनाने खबरदारी म्हणून काही प्रतिबंधात्मक आदेश जारी केले आहेत.राज्यात कोरोनामुळे सर्वत्र धार्मिक कार्यक्रमांना बंदी आहे. त्या अनुषंगाने बकरी ईद ची नमाज मशीद, ईदगाह मैदान किंवा सार्वजनिक ठिकाणी अदा न करता सर्व मुस्लिम बांधवांनी घरीच नमाज अदा करावी. असे आदेशात नमूद केले आहे. शिवाय जनावरांच्या बाजारावर बंदीच राहणार आहे. त्यामुळे जनावरे ऑनलाईन किंवा दुरध्वनीद्वारे खरेदी करता येतील. नागरिकांनी शक्यतो प्रतीकात्मक कुर्बानी करावी, असे आव्हान डॉ शितल के शहा यांनी सोशल मीडियाच्या द्वारे केले आहे तसेच कंटेन्मेन्ट झोनमध्ये बकरी ईद निमित्त कोणतीही शिथिलता देण्यात आलेली नाही, त्यामुळे नागरिकांनी सार्वजनिक ठिकाणी गर्दी करू नये, सर्वांनी नियमांचे पालन करावे व शासनाच्या आदेशाला केराची टोपली न दाखवता शासनाचे परिपत्रक प्रमाणे बकरी ईद साजरी करावी व मुस्लीम समाजाला सोशल मीडियाच्या आधारे शुभेच्छा देत आहे असे डॉ शितल के शहा यांनी मनोगत व्यक्त केले
