जिल्हा परिषद, पंचायत समिती सदस्य असोसिएशन पुणे औरंगाबाद नाशिक विभागीय बैठक उत्साहात संपन्न.
नाशिक शांताराम दुनबळे.
नाशिक-:नाशिक येथे औरंगाबाद, पुणे नाशिक विभागीय जिल्हा परिषद पंचायत समिती सदस्य असोसिएशन ची महत्त्वपूर्ण बैठक आज नाशिक येथे पार पडली. या विभागीय बैठकीत नाशिक जिल्हा कार्यकारिणीची घोषणा करण्यात आली. बैठकीत जिल्हा परिषद व पंचायत समित्यांचे आजी-माजी सर्व सदस्यांना असोसिएशनशी जोडून सभासद करण्याचा निर्णय झाला.
जिल्हा परिषद पंचायत समिती असोशिएशनची विभागीय बैठक प्रदेशाध्यक्ष कैलास गारे-पाटील, कार्याध्यक्ष उदय बने, प्रदेशाध्यक्षा आर्कि. अमृता पवार, कोकण अध्यक्ष सुभाष घरत, राज्य संघटक दिनकर पाटील यांच्या उपस्थितीत नाशकात झाली. बैठकीत संघटनेच्या आगामी कार्यक्रमांवर प्रामुख्याने चर्चा झाली. जि.प. व प. स. सदस्यांच्या अधिकारसह विविध विषयांबाबत केंद्रीय पंचायत राजमंत्री, पंतप्रधान नरेंद्र मोदी, मुख्यमंत्री उध्दव ठाकरे यांना भेटण्याचा निर्णय बैठकीत झाला. या बैठकीत अमृता पवार यांनी नाशिक जिल्हयाची कार्यकारिणी घोषीत केली.
यात डॉ. आत्माराम कुंभार्डे (जिल्हाध्यक्ष) जि.प. सभापती संजय बनकर (कार्याध्यक्ष), यशवंत शिरसाठ (प्रसिध्दी प्रमुख), सिध्दार्थ वनारसे, समाधान हिरे, कावजी ठाकरे, उदय जाधव, सुरेश कमानकर (उपाध्यक्ष), महेंद्र काले (संघटक), दीपक शिरसाठ (सरचिटणीस), नयना गावित (महिला जिल्हाध्यक्षा), जि.प. सभापती आश्विनी आहेर (महिला जिल्हा कार्याध्यक्षा), सिमंतिनी कोकाटे, सुनिता चारोस्कर, सविता पवार, पुष्पा धाकराव, कविता धाकराव (महिला जिल्हा उपाध्यक्ष).
तालुकाध्यक्ष पुढीलप्रमाणे प्रविण गायकवाड (येवला), शिवा सुरासे (निफाड), रमेश बोरसे (नांदगाव), अरूण पाटील (मालेगाव), नितीन आहेर (चांदवड), साधना गवळी (सटाणा), गिताजंली पवार-गोळे (कळवण), एन. डी. गावित (सुरगाणा), भास्कर गावित (पेठ), भास्कर भगरे (दिंडोरी), मोतीराम दिवे (त्र्यंबकेश्वर), रत्नाकर चुंभळे (नाशिक), हरिदास लोहकरे (इगतपुरी), वैशाली खुळे (सिन्नर), नूतन आहेर (देवळा). याचा समावेश आहे.
बैठकीस प्रदेश पदाधिकारी निलीमा पाटील, गोरख बोडके, रूपाजंली माळेकर, विनायक माळेकर यांसह नवनिर्वाचीत कार्यकारिणीतील पदाधिकारी उपस्थित होते. सुत्रसंचालन अभिजीत साबळे यांनी केले.
