Amalner: सारबेट्याच्या दोघांना गांजा बाळगल्याबद्दल अटक..हेडावे जवळ रचला सापळा ,एनडीपीएस कायद्यानुसार गुन्हा
अमळनेर : गांजा विक्रीसाठी आणणाऱ्या सारबेटे येथील दोघांना पोलिसांनी हेडावे येथे सापळा रचून पकडले.आरोपींकडून सुमारे साडेतीन किलो गांजा जप्त करण्यात आला. आरोपीना अटक करण्यात आली आहे.
याबद्दल सविस्तर माहिती अशी की पोलीस निरीक्षक विकास देवरे यांना गोपनीय माहिती मिळाली की तालुक्यातील सारबेटे येथून MH 19,DU 9543 या नंबर च्या मोटरसायकलवर दोन जण अमळनेर शहरात गांजा विकण्यासाठी आणत आहेत. त्यांनी सहाय्यक पोलीस निरीक्षक रवींद्र पिंगळे सह आपल्या टीमला घेऊन हेडावे गावाजवळ सापळा रचला. सायंकाळी पावणे सहा वाजेच्या सुमारास दोन जण मोटरसायकल वर येताना दिसले. पोलिसांनी त्यांना अडविले आणि तपासणी केली असता त्यांच्या जवळ पांढऱ्या रंगाची प्लास्टिक गोणी आढळून आली. त्यात गांजा सापडला. त्यांची नावे अकील इब्राहिम मेवाती वय ३७ व मोहसीनखान शरीफखान मेवाती वय ३२ दोन्ही रा सारबेटे असे असून त्यांच्या सह पोलिसांनी ६८ हजार रुपये किमतीचा ३ किलो ४३२ग्राम गांजा , ६० हजार रुपये किमतीची गुन्हयात वापरलेली मोटरसायकल व १० हजार रुपये किमतीचे मोबाईल असा एकूण १ लाख ३८ हजार रुपयांचा मुद्देमाल इ जप्त करण्यात आले.या प्रकरणात एनडीपीएस कायदा कलम ८ ,२० ,२२ व भारतीय न्यायासंहिता २०२३ च्या कलम ३(५) प्रमाणे गुन्हा दाखल करण्यात आला असून तपास सहाय्यक पोलीस निरीक्षक रवींद्र पिंगळे करत आहे.
