पुणे जिल्हा प्रतिनिधी दत्ता पारेकर
पुणे : सध्या कोरोनाची दहशत वाढली असून यापासून बचाव करण्यासाठी नागरिकांमध्ये वारंवार जनजागृती करण्यात येतेय. इंदापूर मध्येही कोरोना पासून कसा बचाव करावा यासाठी इंडीयन मेडिकल असोसिएशन इंदापूर ने पुढाकार घेत इंदापूर शहरातील मोक्याच्या दहा जागी कोरोना जनजागृती पर मोठे होर्डींग लावले असून अतिमहत्वाची सेवा देणारे पोलिस, पत्रकार बांधव यांना मास्क चे वाटप करून राष्ट्रीय कर्तव्यात सहभाग नोंदवला.
कोरोना हे विषाणूच्या एका समुहाचे नांव असून. साधारण सर्दी,खोकला,डोकेदुखी,ताप यासारखी प्राथमिक लक्षणे यात जानवतात. आजार वाढत गेल्यास श्वासोच्छवासास अडथळा निर्माण होतो.हा आजात संसर्गातून पसरत असून बाधित रुग्णाच्या सानिध्यात आल्यास तो संसर्ग होऊन तो पसरण्याचे प्रमाण वाढले आहे. यासाठी प्रत्येकाने वारंवार साबणाने आपले हात धुवावेत किंवा सॅनिटायझरचा वापर करावा. तोंडाला मास्क लावावा. अतिमहत्वाचे काम असेन तरच घराबहेर पडावे. शिवाय नागरिकांनी घाबरुन न जाता कोरोना बाबत कोणत्याही प्रकारची लक्षणे जाणवल्यास तात्काळ उपजिल्हा रूग्णालयात इंदापूर अथवा खाजगी डाॅक्टरांना भेटून योग्य निदान करुन घ्यावे. कोरोनाच्या कालावधित इंडियन मेडिकल असोसिएशन संघटनेचे सदस्य डाॅक्टर 24 तास अत्यावश्यक सेवा पुरवणारे आहेत. कोणीही आपला खाजगी दवाखाना बंद ठेवणार नाही. शिवाय लवकरचं आय.एम.ए. कडून भव्य रक्तदान शिबिराचे अायोजन करण्यात येणार असुन तालुक्यातील नागरिकांनी यात सहभाग नोंदवावा असे आवाहन इंडियन मेडिकल असोसिएशन इंदापूरचे सेक्रेटरी डाॅ.अनिल पुंडे(शिर्के) यांनी केले.
यासाठी प्रत्येक नागरिकांनी घरात राहून प्रशासनास सहकार्य करावे.कोरोनाला हरवण्यसाठी केंद्र व राज्य सरकारने संपूर्ण देशात 14 एप्रिल पर्यंत लाॅकडाऊन केला आहे. नागरिकांना कोणत्याही अडचणी निर्माण होऊ नये यासाठी डाॅक्टर, पोलिस, मेडिकल, यांसारख्या विविध अत्यावश्यक सेवा यातून वगळण्यात आल्या आहेत. पोलिस जिवाचे रान करीत असून पत्रकार बांधव देशाच्याच नव्हे तर जगाच्या कानाकोपऱ्यातील प्रत्येक घटना आपणांस घरबसल्या पोहचवत आहेत. याची जाणीस समाजातील प्रत्येक नागरिकांनी शासनाच्या सूचनांचे पालन करुन प्रसाधनासिंधु सहकार्य करावे. पोलिस व पत्रकार बांधवांपोटी कृतज्ञता म्हणून इंडियन मेडिकल असोसिएशन इंदापूर ने मास्क चे वाटप केले असल्याचे संघटनेकडून सांगण्यात आले.तर राज्य सरकारने आम्हा खाजगी डाॅक्टरांनाही तात्काळ विमा सुरक्षा कवच जाहीर करावे शिवाय मास्क, पी.पी.ई.किट्स् यासंह इतर साहित्याचा पुरवाठा करावा अशी मागणीही असोसिएशनने केली आहे.
